მოგზაურობისა და ტურიზმის მსოფლიო საბჭომ (WTTC) პარიზი მსოფლიოს ყველაზე პოპულარულ და გავლენიან ქალაქად აღიარა.

WTTC-მ იმ ქვეყნების რეიტინგი გამოავლინა, სადაც ტურისტები ყველაზე ხშირად ჩადიან. 2022 წელს პარიზმა კვლავ დაიბრუნა მსოფლიოში ტურისტების მიერ ყველაზე ხშირად მონახულებული ქალაქის ადგილი და 2022 წლის მსოფლიოს ყველაზე პოპულარულ და გავლენიან ქალაქად იქცა.

WTTC-ს ახალი კვლევაში მსოფლიოს 82 ქალაქი მონაწილეობდა. ექსპერტები ვარაუდობენ, რომ 2032 წელს პარიზს პეკინი ჩაანაცვლებს.

ანგარიში Visa-ს დაფინანსებით Oxford Economics-თან ერთად მომზადდა. კვლევაში გაანალიზებულია ისეთი ძირითადი ინდიკატორები, როგორიცაა მოგზაურობისა და ტურიზმის წვლილი მშპ-ში, დასაქმება და სამოგზაურო ხარჯებში.

2022 წელს საფრანგეთის მოგზაურობისა და ტურიზმის სექტორის შემოსავალი თითქმის 36 მლრდ აშშ დოლარი იყო. მომდევნო 10 წლის განმავლობაში, WTTC პროგნოზირებს, რომ ის მესამე ადგილზე გადაინაცვლებს, თუმცა მისი შემოსავალი 49 მლრდ დოლარამდე გაიზრდება.

მოგზაურობისა და ტურიზმის თვალსაზრისით მსოფლიოში მეორე ქალაქი ამჟამად პეკინია, რომლის ღირებულება დაახლოებით 33 მლრდ დოლარია. თუმცა, WTTC პროგნოზირებს, რომ მომდევნო 10 წლის განმავლობაში მისი ღირებულება 77 მლრდ დოლარამდე გაიზრდება.

ლას-ვეგასი ერთადერთი ქალაქია ტოპ ათეულის სიაში, რომელიც მტკიცედ რჩება მე-5 უდიდესი ქალაქის ადგილზე. გასულ წელს, ლას-ვეგასის მოგზაურობისა და ტურიზმის სექტორი თითქმის 23 მლრდ დოლარი ღირდა და ვარაუდობენ, რომ 2032 წლისთვის გაიზრდება.

WTTC-ის პრეზიდენტმა და აღმასრულებელმა დირექტორმა ჯულია სიმპსონმა განაცხადა, რომ მსხვილი ქალაქები, როგორიცაა ლონდონი, პარიზი და ნიუ-იორკი, გლობალურ ცენტრებად დარჩებიან, მაგრამ მომდევნო რამდენიმე წლის განმავლობაში პეკინი, შანხაი და მაკაო ამ სიაში დაბრუნდებიან.

2022 წელს ქალაქების ათეული, სადაც ყველაზე დიდი საერთაშორისო მოგზაურობის ხარჯებია, ასე გამოიყურება:

დუბაი - 29,42 მლრდ დოლარი

დოჰა - 16,79 მლრდ დოლარი

ლონდონი - 16,07 მლრდ დოლარი

მაკაო - 15,58 მლრდ დოლარი

ამსტერდამი - 13,59 მლრდ დოლარი

სტამბული - 13,13 მლრდ დოლარი

ბარსელონა - 12,73 მლრდ დოლარი

ნიუ-იორკი - 12,45 მლრდ დოლარი

სინგაპური - 10.97 მლრდ დოლარი

პარიზი - 9,76 მლრდ დოლარი

2032 წელს, WTTC პროგნოზირებს, რომ ქალაქების ათეული, სადაც ყველაზე დიდი საერთაშორისო მოგზაურობის ხარჯებია ასე შეიცვლება:

ჰონგ კონგი - 52.06 მლრდ დოლარი

მაკაო - 43.14 მლრდ დოლარი

დუბაი - 42,98 მლრდ დოლარი

სინგაპური - 37.43 მლრდ დოლარი

ბანგკოკი - 33.45 მლრდ დოლარი

დოჰა - 31,63 მლრდ დოლარი

ტოკიო 25,44 მლრდ დოლარი

ნიუ-იორკი 21.73 მლრდ დოლარი

ამსტერდამი 21,53 მლრდ დოლარი

შანხაი - 21,3 მლრდ დოლარი

მომდევნო ათწლეულის განმავლობაში მოგზაურობა და ტურიზმი, მშპ-ს უფრო სწრაფი ზრდით, კვლავ გახდება ეკონომიკური ზრდის მთავარი მამოძრავებელი ძალა, ვიდრე სხვა სექტორები, რაც 126 მილიონ ახალ სამუშაო ადგილს ქმნის მთელს მსოფლიოში, ნათქვამია კვლევაში.