ევროკავშირთან ასოცირების შეთანხმების ფარგლებში 2025 წლიდან საქართველომ „საჯარო შესყიდვების შესახებ“ კანონმდებლობა ევროკავშირის დირექტივებს ეტაპობრივად უნდა დაუახლოოს. სახელმწიფო შესყიდვების სააგენტოს მიერ მომზადებული კანონპროექტი, პარლამეტმა 90 ხმით, მესამე მოსმენით მიიღო.
„საჯარო შესყიდვების შესახებ“ ახალი კანონპროექტით კარდინალურ რეფორმირებას განიცდის, როგორც ამჟამად მოქმედი შესყიდვების სფეროს მარეგულირებელი დებულებები, ისე შესყიდვებთან დაკავშირებული არაერთი საკითხი, მათ შორის ახლებურად რეგულირდება „შავი სიის“ წარმოება.
კანონით დგინდება საჯარო შესყიდვების განხორციელების ზოგადი სამართლებრივი, ორგანიზაციული და ეკონომიკური პრინციპები, თავდაცვისა და უსაფრთხოების სფეროსთან დაკავშირებული საჯარო შესყიდვების განხორციელების წესი, საჯარო შესყიდვებთან დაკავშირებული დავების განხილვის საბჭოს უფლებამოსილება და დავის განხილვის წესი.
ახალი კანონით, აგრეთვე, წესრიგდება საჯარო შესყიდვის მონაწილეებთან, საჯარო შესყიდვის პროცედურებთან, საჯარო შესყიდვის ინსტრუმენტებთან, საჯარო შესყიდვის მომზადებასთან, საჯარო შესყიდვის გამოცხადებასთან, განაცხადისა და წინადადების წარდგენასთან, თავდაცვისა და უსაფრთხოების სფეროსთან დაკავშირებულ საჯარო შესყიდვებთან, დავის განმხილველ ორგანოებთან და დავის განხილვასთან, ანგარიშგებასთან და კონტროლთან დაკავშირებული საკითხები.
სახელმწიფო შესყიდვების სააგენტოს ინფორმაციით, შავ სიაში მოხვედრილი კომპანიების წარმომადგენლების მიერ სხვა კომპანიების დაფუძნებას, რა პრაქტიკასაც დღეს აქვს ადგილი, ახალი კანონმდებლობა მსგავსი შემთხვევების მაქსიმალურ კონტროლს ითვალისწინებს.
საჯარო შესყიდვების შესახებ
