Peloton Interactive-ის უახლესი მსხვერპლი მისი აქციების ფასთან ერთად, Sex and the City-ის ერთ-ერთი მთავარი გმირი გახდა.
სახლის ფიტნესის კომპანია, რომლის მთავარი პროდუქტი სავარჯიშო ველოსიპედია, აცხადებს რომ სერიალის სიუჟეტში მისი პროდუქტის გამოყენების შესახებ ინფორმაცია არ ჰქონდა.
Peloton-ის ველოსიპედი And Just Like That...-ის პირველ ეპიზოდში სერიალის ერთ-ერთი მთავარი გმირის, მისტერ ბიგის სიკვდილთან არის დაკავშირებული. პერსონაჟი Peloton-ის ველოსიპედის 45-წუთიანი გამოყენების შემდეგ გულის შეტევით გარდაიცვალა.
Peloton-ის აქციების ფასი მიმდინარე წელს 73%-ით დაეცა. პანდემიური ჩაკეტვებიდან აშშ-ს ხელახალი გახსნა სახლში გამოსაყენებელ ფიტნეს პროდუქტებზე მოთხოვნას ამცირებს.
როგორც Peloton-ის სპიკერი ამბობს, კომპანიამ იცოდა პროდუქტის სერიალში გამოჩენის შესახებ, მაგრამ არა მის როლზე სიუჟეტურ ხაზში. კომპანიამ ასევე დასძინა, რომ სიგარების მწეველი პერსონაჟის სიკვდილში მის ველოსიპედს ბრალი არ მიუძღვის.
Peloton-ის აქციების ფასი პრემარკეტულ ვაჭრობაში კიდევ 2,7%-ით დაეცა.
წყარო: Bloomberg, "ბიზნეს ფორმულა"