სასმელების ერთ-ერთი უმსხვილესი მწარმოებელი რუსეთში, PepsiCo, იკვლევს განვითარების შესაძლებლობას სათაო ოფისის გადაწყვეტილების შემდეგ, შეაჩეროს Pepsi, Mirinda და 7UP-ის გაყიდვები ქვეყანაში. განიხილება ახალი პროდუქტების შექმნა სხვადასხვა სახელწოდებით სხვადასხვა შეფუთვით, ასევე ადგილობრივი ბრენდების გაფართოება. 

PepsiCo-ს პრეზენტაციაში აღნიშნულია გაზიანი სასმელების აღწერა, რომელსაც შეუძლია შეცვალოს Pepsi, Mirinda და 7Up ბრენდები რუსეთში. სლაიდზე ნაჩვენებია New Cola პროდუქტის რვა სახეობა. ასევე სასმელები ფორთოხლის და ლიმონი-ცაცხვის არომატით Fruitz-ის ბრენდის ქვეშ იქნება. პრეზენტაციიდან ცნობილი ხდება რომ იგეგმება ადგილობრივი ბრენდის «Русский дар»-ის ასორტიმენტის გაფართოება.

9 მარტს ამერიკულმა PepsiCo-მ გამოაცხადა რუსეთში Pepsi, Mirinda და 7Up ბრენდების წარმოების და გაყიდვების შეჩერა უკრაინაში რუსეთის ფედერაციის სამხედრო შეჭრის გამო. იმავე დღეს, კომპანიის რუსულმა ოფისმა პარტნიორებს აცნობა, რომ სამი დღით შეწყვეტდნენ ამ პროდუქციის შეკვეთების მიღებას და დაამატეს, რომ ეძებენ სხვა გზებს.

„კომერსანტის“ წყაროს თანახმად, პრეზენტაცია აშკარად ეხება რუსეთის ფედერაციაში კომპანიის გაზიანი სასმელების კატეგორიის განვითარების ერთ-ერთ შესაძლო ვარიანტს. როგორც გამოცემის თანამოსაუბრე აღნიშნავს, ამ დროისთვის, PepsiCo-ს ადგილობრივ ქარხნებს შესაძლოა ჰქონდეთ ნედლეულის მარაგი Pepsi-ს, Mirinda-სა და 7Up-ის ჩამოსასხმელად რამდენიმე თვის განმავლობაში.

Famous Amazing Brands-ის (Vanilla Flight და Anarchy სასმელები) ერთ-ერთი დამფუძნებელი ანტონ სტელმაკოვი აღნიშნავს, რომ PepsiCo-ს ასევე შეუძლია შეცვალოს სასმელების რეცეპტი ისე, რომ ახალი პროდუქტები არ იყოს ასოცირებული წარსულ ბრენდებთან. 

Euromonitor International-ის მონაცემებით, 2020 წლის დასაწყისისთვის PepsiCo-მ რუსული გამაგრილებელი სასმელების ბაზრის 5.2% დაიკავა, Coca-Cola იყო ლიდერი 6.2% წილით. NielseIQ-ის თანახმად, 2021 წელს, გაზიან სასმელებზე მზარდი მოთხოვნის ფონზე, პეპსის ბრენდის წილი FMCG ბაზარზე ჯამური ბრუნვით 5,76 ტრილიონი რუბლი შეადგინა და გაიზარდა 0,4%-დან 0,5%-მდე, კოკა-კოლას ბრენდის წილი კი 0,8%-დან 0,9%-მდე გაიზარდა.

Coca-Cola-მ 8 მარტს გამოაცხადა რუსეთში საქმიანობის შეჩერების შესახებ, ასევე უკრაინაში სამხედრო ოპერაციის ფონზე. Coca-Cola სასმელების მწარმოებელმა და დისტრიბუტორმა HBC-მ, თავის მხრივ, აცნობა ადგილობრივ მომხმარებლებს მარტის შუა რიცხვებიდან Coca-Cola-ზე ფასების 15-30%-იანი ზრდის შესახებ. კომერსანტის ერთ-ერთი წყაროს ცნობით, Coca-Cola HBC აგრძელებს გაზიანი სასმელების მიწოდებას, როგორც ადრე. 

kommersant.ru