„ამერიკული Abrams-ის ტანკების მიწოდების იდეა წარუმატებელია, მხარეები გადაჭარბებულად აფასებენ უკრაინელი სამხედროების პოტენციალს“- განაცხადა რუსეთის ფედერაციის პრეზიდენტის პრესმდივანმა დმიტრი პესკოვმა.
„დარწმუნებული ვარ, რომ ბევრ ექსპერტს ამ იდეის აბსურდულობა ესმის. საკმაოდ წარუმატებელი გეგმაა და რაც მთავარია, ეს იმ პოტენციალის გადაჭარბებული შეფასებაა, რომელსაც ამერიკული ტანკები უკრაინის შეიარაღებულ ძალებს შემატებს. ეს კიდევ ერთი საკმაოდ ღრმა ბოდვაა“, - განაცხადა პესკოვმა ჟურნალისტებთან კომენტირებისას.
„ჩვენ გავიმეორებთ, რომ ეს ტანკები დაიწვება ისევე, როგორც ყველა სხვა“, - დასძინა კრემლის სპიკერმა.
პესკოვმა ყურადღება Abrams-ის მაღალ ფასზეც გაამახვილა და თქვა, რომ ეს ყველაფერი, უპირველეს ყოვლისა, ევროპელ გადასახადების გადამხდელებს დააწვება მხრებზე, ხოლო ამერიკელები მოგებულები დარჩებიან.