Pfizer 2022 წელს რეკორდულად მაღალ შემოსავალს პროგნოზირებს და აცხადებს, რომ Covid19 -ის ვაქცინებიდან წელს 32 მილიარდი დოლარის გაყიდვებს, კორონავირუსის ანტივირუსული აბების - Paxlovid-ის გაყიდვებიდან კი 22 მილიარდი დოლარის მოგებას ელოდება.
თუმცა აღსანიშნავია ისიც, რომ კომპანიამ მეოთხე კვარტალში არაერთგვაროვანი შედეგები გამოაქვეყნა. Pfizer-ის აქციები პრემარკეტულ ვაჭრობაში 3%-ზე მეტით დაეცა.
2021 წელს Pfizer-ის შემოსავლის დეფიციტი გამოწვეული იყო შიდა მედიცინასა და საავადმყოფოებში სეგმენტების მდორე გაყიდვებით. წამლების შიდა გაყიდვები მეოთხე კვარტალში 3%-ით შემცირდა და 2,24 მილიარდ დოლარს შეადგენდა, მაშინ როცა საავადმყოფოების გაყიდვები 2020 წლის ანალოგიურ კვარტალთან შედარებით პრაქტიკულად, უცვლელი იყო და 1,88 მილიარდ დოლარს შეადგენდა. Pfizer-ის ონკოლოგიური წამლების გაყიდვები 7%-ით გაიზარდა და 3,24 მილიარდ დოლარს შეადგენდა.
კომპანიის კოვიდის საწინააღმდეგო ანტივირუსულმა აბმა - Paxlovid, მეოთხე კვარტალში აშშ-ში გაყიდვებით 76 მილიონი დოლარი გამოიმუშავა.
გასული თვის ბოლოს Pfizer-მა 18-დან 55 წლამდე ასაკის ადამიანებში კოვიდის ომიკრონ შტამის საწინააღმდეგო ვაქცინების კლინიკური კვლევები დაიწყო. აღმასრულებელი დირექტორის ალბერტ ბურლას განცხადებით, კომპანია ელოდება, რომ ვაქცინა მარტისთვის იქნება მზად. Pfizer პარალელურად Paxlovid-ის წარმოებისა და მიწოდების გაზრდაზე მუშაობს.
bpn.ge