პანდემიის პირობებში ტურიზმი ქვეყნის ნომერ პირველ პრიორიტეტად დასახელდა, თუმცა შიდა ტურიზმის კუთხით, საზოგადოების მოლოდინები სამუშაო ადგილების დაკარგვის გამო გარკვეულწილად სკეპტიკური იყო. 1 კვირაა სასტუმროებს გახსნის საშუალება მიეცათ, როგორ ხვდება სფერო სეზონს და შეიცვალა თუ არა მათი პროგნოზები - ამის შესახებ კომერსანტს „ამბასადორი კაჭრეთის“ საზოგადოებასთან ურთიერთობის მენეჯერი ნათია სოსიაშვილი ესაუბარა.
„ჩვენთვის ძალიან მნიშვნელოვანი იყო პანდემიის დასრულებისა და სასტუმროების გახსნის შემდეგ, როგორი იქნებოდა პირველი შაბათ-კვირა. „ამბასადორი კაჭრეთი“ ყველა რეკომენდაციის დაცვით უკვე 8 ივნისიდან იღებს სტუმრებს და ძალიან გვიხარია, რომ ჩვენი მომხმარებლების მხრიდანაც ინტერესი დიდია. 13 ივნისს გვქონდა გრანდიოზული გახსნა, მონატრებული ცოცხალი მუსიკა დილიდან გვიან საღამომდე. პირველივე უქმეებზე სასტუმროს სრული დატვირთვით მუშაობა ნამდვილად ძალიან პოზიტიური მოლოდინების გაჩენის საშუალებას გვაძლევს. ჩვენ დაკავებული გვქონდა სასტუმროს 181-ვე ნომერი და გვყავდა სტუმრები, რომლებიც დარჩენის გარეშე, დღის პაკეტით სარგებლობდნენ. სასტუმრო კომპლექსს აქვს ძალიან დიდი, ღია სივრცე, გასართობი საშუალებები, სადაც ადამიანების დისტანცირების პრობლემა არ იქმნება“,-ამბობს ნათია სოსიაშვილი.
მისივე თქმით, ფასების კუთხით კორექტირება მოხდა მოსახლეობის ეკონომიკური მდგომარეობის გათვალისწინებით მოხდა. ნომრის ღირებულება დაახლოებით 10-15%-ის ფარგლებში შემცირდა. შესაბამისად, აქციის პირობებში ივნისის თვეში ორი ადამიანის განთავსება 230 ლარი ჯდება.
„დაძაბული ფონი, რომელიც ამდენი თვის განმავლობაში ჰქონდათ ადამიანებს, რაღაცით უნდა შემსუბუქდეს. ამისთვის ყველაზე კარგი პერიოდიც არის და საშუალებაც, თბილისიდან ყველაზე ახლოს 5 ვარსკვლავიან სასტუმროში წახვიდე და არაჩვეულებრივ გარემოში დაისვენო. გვაქვს ძალიან მისაღები ფასები, რომელშიც გათვალისწინებულია საზოგადოების ეკონომიკური მდგომარეობა. ივნისის თვეში გამოვაცხადეთ მასტიმულირებელი, სპეციალური აქციაც, იმისთვის, რომ ჩვენმა სტუმრებმა ნახონ, როგორ ვიცავთ რეკომენდაციებს და რამდენად უსაფრთხოა ჩვენთან სტუმრობა“,-ამბობს ნათია სოსიაშვილი.
მანვე აღნიშნა, რომ გრძელვადიან პროგნოზზე საუბარი რთულია, თუმცა გარკვეული პოზიტიური მოლოდინები გაჩნდა.
„ჩვენი ძირითადი სეგმენტი არასდროს ყოფილა უცხოელი ტურისტები, ჩვენი სტუმრები ძირითადად არიან ქართველი მომხმარებლები და შესაბამისად, ჩვენთვის ყოველთვის პრიორიტეტული იყო სლოგანი „დაისვენე საქართველოში“. წლების განმავლობაში „ამბასადორი კაჭრეთმა“ მოიპოვა სწორედ ქართველი სტუმრების სიყვარული და ძალიან გვიხარია, რომ მათი მხრიდანაც, ასეთ პერიოდში, როცა ჩვენი სასტუმრო 2 თვის განმავლობაში უსასყიდლოდ გადაეცა მთავრობას საკარანტინე სივრცედ, საზოგადოების მხრიდან ასეთი მიდგომა გვაქვს. ამასთან ივნისის თვეში გარკვეული პროგნოზი უკვე გვაქვს, ნომრების საკმაოდ დიდი ნაწილი გაყიდულია და ჯავშნების რაოდენობაც ყოველდღიურად იზრდება“,-ამბობს ნათია სოსიაშვილი.
„ამბასადორი კაჭრეთი“ კახეთში, თბილისიდან 80 კილომეტრში, სოფელ კაჭრეთში მდებარეობს. 5 ვარსკვლავიან სასტუმროს აქვს 181 თანამედროვე დიზაინის ნომერი, ორი ღია საცურაო აუზი, პროფესიონალური გოლფის მოედანი, თავლა 20 ცხენით და პროფესიონალური საცხენოსნო არენა, სასროლეთი მიზანში სროლის მოყვარულებისთვის, ველოსიპედები, სკუტერები, მოტოსკოლა და ბოულინგის კლუბი.