Bloomberg-ის ინფორმაციით პლანეტაზე ყოველი მეშვიდე ზრდასრული, დაახლოებით 900 მილიონი ადამიანი - რეგულარულ ბლოკჩეინ ტრანზაქციას ახორციელებს.
ივნისში ჩატარებული კვლევის მიხედვით, ნიგერიისა და თურქეთის ზრდასრული მოსახლეობის ნახევარზე მეტი ყოველთვიურად ყიდულობს ან ყიდის კრიპტოვალუტას.
როგორც გამოცემა წერს, ნიგერიისა და თურქეთის შემთხვევაში მოსახლეობის კრიპტოვალუტისადმი ასეთი ინტერესი გამოწვეულია იმით, რომ იქაურებს სურთ საგარეო ვალუტის კონტროლს და თავიანთ ქვეყნებში არსებულ ორნიშნა ინფლაციას გაექცნენ.
კვლევის მიხედვით, ჩინეთში ყოველთვიურად, დაახლოებით, 90 მლნ-ზე მეტი ზრდასრული სარგებლობს ბლოკჩეინით, ნიგერიაში - 70 მლნ-მდე, აშშ-ში - 40 მლნ, თურქეთსა და რუსეთში - 30-30 მლნ, ვიეტნამსა და ბრაზილიაში - 26-26 მილნ.
იმ ქვეყნების ათეული, რომლის მოსახლეობაც ყოველთვიურად ყველაზე მეტ ბლოკჩეინ ტრანზაქციას ასრულებენ Bloomberg-ის მონაცემებით ასეთია:
ჩინეთი — დაახლოებით 90 მლნ
ნიგერია — დაახლოებით 70 მლნ
ინდონეზია — დაახლოებით 60 მლნ
პაკისტანი — დაახლოებით 55 მლნ
აშშ — დაახლოებით 40 მლნ
თურქეთი — დაახლოებით30 მილნ
რუსეთი — დაახლოებით 30 მილნ
ვიეტნამი — დაახლოებით 26 მლნ
ბრაზილია — დაახლოებით 26 მლნ
ფილიპინები — დაახლოებით 24 მლნ
მოამზადა მაკა ბიბილაშვილმა