ახალი ანგარიშის თანახმად, 2060 წლისთვის პლასტმასის დაბინძურებაა გასამმაგდება, მათგან უმეტესობა ნაგავსაყრელზე მოხვდება და მხოლოდ მეხუთედზე მეტი გადამუშავდება - ამის შესახებ ინფორმაციას dailysabah.com ავრცელებს.

ეკონომიკური თანამშრომლობისა და განვითარების ორგანიზაციის (OECD) მონაცემების მიხედვით, წიაღისეულის საწვავზე დაფუძნებული პლასტმასის წლიური წარმოება 2060 წლისთვის 1,2 მილიარდ ტონას მიაღწევს, ხოლო ნარჩენები 1 მილიარდ ტონას გადააჭარბებს.

38 ერის ორგანიზაცია ანგარიშში წერს, რომ მოთხოვნის შემცირებისა და ეფექტურობის გასაუმჯობესებლად აგრესიული ქმედებების შემთხვევაშიც კი, პლასტმასის წარმოება 40 წელზე ნაკლებ დროში  თითქმის გაორმაგდება. მიკროპლასტიკი პლანეტის ყველაზე შორეულ და მიუწვდომელ რეგიონებში, მათ შორის ანტარქტიდის ახალ დაცვენილ თოვლშიც არის აღმოჩენილი. ეს ნამსხვრევები ყოველწლიურად იწვევს მილიონზე მეტი ზღვის ფრინველის და 100000-ზე მეტი ზღვის ძუძუმწოვრის სიკვდილს.

აღნიშნულ საკითხთან დაკავშირებით დღითიდღე იზრდება  საერთაშორისო განგაში.

„პლასტიკური დაბინძურება 21-ე საუკუნის ერთ-ერთი უდიდესი გარემოსდაცვითი გამოწვევაა, რომელიც დიდ საფრთხეს უქმნის და ზიანს აყენებს ეკოსისტემებსა და ადამიანის ჯანმრთელობას“, - აღნიშნა OECD-ის ხელმძღვანელმა მათიას კორმანმა.

1950-იანი წლებიდან მოყოლებული, დაახლოებით 8,3 მილიარდი ტონა პლასტმასა იქნა წარმოებული, რომლის 60%-ზე მეტი ნაგავსაყრელებზე მოხვდა, დაიწვა ან პირდაპირ მდინარეებსა და ოკეანეებში ჩაიყარა. 2019 წელს დაახლოებით 460 მილიონი ტონა პლასტმასა გამოიყენეს, რაც გასულ ოც  წელთან შედარებით 2-ჯერ მეტია.

დღეს პლასტმასის ნარჩენების რაოდენობა გაორმაგებულია და 350 მილიონ ტონას აღემატება, მათგან კი  რეციკლირებული მხოლოდ 10%-ია .

მიმდინარე ტენდენციების მიხედვით, პლასტმასის გამოყენება დაახლოებით გაორმაგდება ჩრდილოეთ ამერიკაში, ევროპაში, აღმოსავლეთ აზიასა და სხვა განვითარებად  ქვეყნებში. OECD -  ის  ცნობით  ეკონომიკურ ზრდისა და მოსახლეობს გაფართოების გამო პლასტმასის წარმოების  ზრდა კვლავ  გაგრძელდება.

„კოორდინირებულ და ამბიციურ გლობალურ ძალისხმევას შეუძლია თითქმის აღმოფხვრას პლასტიკური დაბინძურება 2060 წლისთვის, მას ასევე შეუძლია შეამციროს სათბურის გაზების რაოდენობა, რომლებიც ატმოსფეროში ხვდება“, - ასკვნის მოხსენებაში.

ამჟამად, პირველადი პლასტმასის სრული სასიცოცხლო ციკლი - წარმოებიდან დაშლამდე - ხელს უწყობს დაახლოებით ორ მილიარდ ტონა CO2-ს ან მის ეკვივალენტი სხვა გაზების წარმოშობას. OECD მოსახლეობას აფრთხილებს, რომ მიზნობრივი ქმედებების გარეშე ეს მაჩვენებელი 2060 წელს გაორმაგდება.

მიმდინარე წლის დასაწყისში, გაერთიანებული ერების ორგანიზაციამ წამოიწყო პროცესი, იმისათვის, რომ შეემუშავებინა საერთაშორისოდ სავალდებულო ხელშეკრულება პლასტიკური დაბინძურების შეზღუდვის მიზნით.