პოლონეთის უმსხვილესი ნავთობკომპანია PKN Orlen-ი რუსეთისგან „დრუჟბას“ მილსადენით ნავთობს აღარ მიიღებს. ამის შესახებ PKN Orlen-ის აღმასრულებელმა დირექტორმა დანიელ ობაიტეკმა განაცხადა.
მან აღნიშნა, რომ ნავთობის მიღების შეჩერების მიზეზი რუსეთის გადაწყვეტილება გახდა. მიუხედავად ამისა, ობაიტეკის თმით - პოლონეთს საკმარისი მარაგები აქვს, რადგან ქვეყანა რუსეთიდან ნავთობის მიწოდების შეწყვეტისთვის მზად იყო.
ობაიტეკის თქმით, ყველა საჭირო მარაგის მიღება შესაძლებელია საზღვაო გზით და მომხმარებლებმა არ უნდა ინერვიულონ, რადგან რუსული ნავთობის მიწოდების შეფერხება მათზე გავლენას არ მოახდენს.
„დრუჟბას“ მილსადენი, რომელიც რუსეთიდან ნავთობს აწვდის პოლონეთს, გერმანიას, უნგრეთს, ჩეხეთსა და სლოვაკეთს, ევროკავშირის სანქციებისაგან გათავისუფლდა, რათა ამ ქვეყნებს ნავთობის მიწოდებაზე პრობლემა არ შეჰქმნოდათ.
დღეს პოლონეთში რუსული ნავთობის წილი ყველა მარაგის მხოლოდ 10%-ია.
პოლონეთი
