უკრაინის საკონსტიტუციო სასამართლოში უკრაინის უმაღლესი რადას წარმომადგენლის ოლგა სოვგირის განცხადებით, ვოლოდიმირ ზელენსკი პარლამენტში წარადგენს კანონპროექტს პოლონელების განსაკუთრებული სტატუსის შესახებ უკრაინაში. ამის შესახებ მან „ტელეგრამში“ დაწერა.
„უკრაინის პრეზიდენტმა დააანონსა პარლამენტში უახლოეს პერიოდში კანონპროექტის ინიცირება პოლონეთის მოქალაქეებისთვის განსაკუთრებული უფლებრივი სტატუსის შესახებ“, - აცხადებს სოვგირი.
მას კანონპროექტის დეტალების შესახებ არაფერი უთქვამს, თუმცა ისაუბრა პოლონეთის პრეზიდენტმა.
"ვარშავასა და კიევს შორის მეგობრული ურთიერთიერთობის გათვალისწინებით, რაც განსაკუთრებით გამოვლინდა უკრაინის წინააღმდე რუსეთის სრულმასშტაბიანი ომის პირობებში, მოვიდა დრო, ხელი მოეწეროს ახალ შეთანხმებას კეთილმეზობლური ურთიერთობის შესახებ უკრაინასა და პოლონეთს შორის," -თქვა ანდჟეი დუდამ უკრაინის უმაღლეს რადაში სიტყვით გამოსვლისას.
მისი თქმით, რუსეთის აგრესიამ აჩვენა, რომ საავტომობილო, სარკინიგზო ქსელები და ინფრასტრუქტურული კავშირები უკრაინასა და პოლონეთს შორის არასაკმარისია.
დუდას მტკიცებით, საჭიროა ამის ანაზღაურება, პოლონეთი-უკრაინის საზღვარი კი უნდა გაერთიანდეს და არა დაიყოს.
„ღრმად ვარ დარწმუნებული, რომ დროა დავდოთ ახალი შეთანხმება კეთილმეზობლობის შესახებ, რომელშიც გათვალისწინებული იქნება ის, რაც ჩვენ ურთიერთობებში ავაშენეთ თუნდაც ბოლო თვეების განმავლობაში“,- აღნიშნა მან.
უკრაინა-პოლონეთი
