გერმანულმა ავტომობილების მწარმოებელმა Porsche ელექტრო ჯიპის გამოშვებას გეგმავს. ამის შესახებ The Wall Street Journal იტყობინება.
Porscheმ განაცხადა, რომ ახალი ძვირადღირებული ჯიპი კომპანიის გეგმის ქვაკუთხედი იქნება, რათა გაზარდოს მოგება მაღალი კლასის ავტომობილებზე ფოკუსით.
მიუხედავად იმისა, რომ Porsche ყოველთვის აწარმოებდა მაღალი კლასის მანქანებს, კომპანიის მიზანია მიბაძოს ისეთ კონკურენტებს, როგორებიცაა Ferrari NV, Mercedes-Benz Group AG და Aston Martin Lagonda Global Holdings PLC.
Porsche-ს აღმასრულებელი დირექტორ ოლივერ ბლუმის თქმით, ახალი ჯიპები ტოპ ლუქს სეგმენტში იქნება პოზიციონირებული.
მანქანა ამჟამად გადის ტესტირებას და გამოშვების თარიღი ჯერ უცნობია.
კომპანიაში აცხადებენ, რომ გასულ წელს 309,884 მანქანა გაყიდეს. ჩინეთი და აშშ Porsche-ს უმსხვილესი ბაზრები იყო, კომპანიის წლიური ანგარიშის მიხედვით, გაყიდვების 30% და 26% ამ 2 ქვეყანაზე მოდიოდა.