„რუსეთის მხრიდან სუვერენულ უკრაინაზე სრულმასშტაბიანი ომის დაწყების შემდეგ აშკარა გახდა, რომ მართველი პარტია უფრო სწრაფად უახლოვდება მაქსიმალურად ღრმა პოლიტიკურ ორმოს“, - ამის შესახებ ამერიკის მეგობართა კლუბის პრეზიდენტმა ილია ზუკაკიშვილმა განაცხადა, მისი თქმით პრემიერი ღარიბაშვილი თავს პოლიტიკური სატანჯველისთვის წირავს. ილია ზუკაკიშვილის განცხადხებას „კომერსანტი უცვლელად გთავაზობთ.

ბოლო წლებში მართველი პარტია არაერთგზის აღმოჩენილა მსუბუქ პოლიტიკურ თხრილში, საიდანაც ხშირ შემთხვევაში ცოტახნით მაინც ახერხებდა ამოძრომას და ხელახლა ოცნების ღრუბლებში სიმაღლის მოპოვებას. რუსეთის მხრიდან სუვერენულ უკრაინაზე სრულმასშტაბიანი ომის დაწყების შემდეგ აშკარა გახდა, რომ მართველი პარტია უფრო სწრაფად უახლოვდება მაქსიმალურად ღრმა პოლიტიკურ ორმოს, ამ ჯერად დიდი ხნით და შესაძლებელია სამუდამოთაც კი. ამის მიზეზი პრემიერ მინისტრის ის გამომშრალი განცხადებაა, რომლითაც ის პირდაპირ დაუპირისპირდა თანამედროვე სამყაროს.

უფრო კონკრეტულად კი ღარიბაშვილმა 25 თებერვალს, საქართველოს გასაბჭოების დღეს განაცხადა რომ, ეროვნული ინტერესების გათვალისწინებით ქვეყანა არ უერთდება რუსეთის მიმართ მსოფლიოს მრავალი ქვეყნის მიერ დაწესებულ სანქციებს. ღარიბაშვილის საგანგებო განცხადების ნარატივი ირიბად ამართლებს უკრაინაში რუსეთის ბარბაროსულ ქმედებას და პუტინის ცოდვილი ვნებების საამებლად არის გამომცხვარი. საყურადღებო და მნიშვნელოვანი ისაა, რომ საზოგადოების ნაწილი რომლებიც აქამდე რუსეთის მიმართ უკიდურესად კრიტიკულად იყვნენ განწყობილნი, დღეს სწორედ ნეიტრალურ მხარეს იკავებენ და მშიშარა თაგვებივით დუმან.   

იმის მაგივრად რომ ჩვენმა მთავრობამ გამოხატოს მზარდი სიძულვილი დამპყრობელთა მიმართ, პირიქით მათი პოლიტიკური განწყობები ნელ-ნელა შეიცვალა და ამის ნათელი მაგალითი ისაა რომ, ბოლო წელების განმავლობაში კრემლთან დაახლოვებულმა რუსულმა კომპანიებმა საქართველოში ერთ მილიარდ ლარამდე, სხვადასხვა სახის სახელმწიფო შესყიდვების ტენდერებიც მოიგეს. მინდა ყველას შევახსენოთ, რომ სწორედ ეს კონკრეტული ფაქტი არის რუსეთის რბილი ძალის “soft power“ მახასიათებელი.  

ის, რომ საქართველოს ხელისუფლება მხარს უჭერს უკრაინელ ხალხს სრული ტყუილი და ცინიზმია. მათ მიერ გათამაშებული სქემა რეალურად აგებულია კრემლის მაამებელ ინტერპრეტაციებზე და პირდაპირ ახდენს გავლენას ადამიანების იმ გარკვეულ ნაწილზე, რომლებიც ჯერ კიდევ პოზიტიურად არიან განწყობილი პირსისხლიანი რუსეთის მიმართ. ამავდროულად როგორც უკვე ცნობილია, პრემიერ მინისტრის ამ განცხადებას მოჰყვა რუსეთის მხრიდან ეკონომიკური სანქციების მოხსნა ქართულ რძეზე და ღვინოზე. ყველას მინდა შევახსენოთ, რომ სწორედ ეს კონკრეტული ფაქტი არის რუსეთის რბილი ძალის “soft power“ მახასიათებელი. 

არ არის გამორიხცული, რომ სულ მალე პირდაპირი საჰაერო მიმოსვლაც აღდგეს რუსეთის მიმართულებით, რომელსაც სავარაუდოდ ქართული ავიოკომპანია “ჯორჯიან ეარვეისი“ შეასრულებს, რასაც კვლავ მოყვება ხელისუფლების მხრიდან ცინიკური განცხადებები, რომ პირდაპირი ფრენები ხელს შეუწყობს ქართული ეკონომიკისა და ტურიზმის განვითარებას, რუსეთის ფედერაციასთან ურთიერთობების დარეგულირებასა და ხალხთა შორის კავშირის გასძლიერებლად.  მინდა ყველას შევახსენოთ, რომ სწორედ ეს კონკრეტული ფაქტი არის  რუსეთის რბილი ძალის “soft power“ მახასიათებელი.

ამ ცოდვის ჩამდენ პრემიერს ტყუილად გონია, რომ კრემლის მაამებელი განცხადებით პრობლემებისგან გათავისუფლდება. მაგრამ, ვერც კი აცნობიერებს რომ, სიტყვას უდიდესი ძალააქვს და თავს პოლიტიკური სატანჯველისთვის წირავს.  

P.S. თქვენ, ზრდასრულმა ადამიანმა ჯერ კიდევ ვერ მოახერხეთ უკრაინაში შექმნილი უმძიმესი ვითარების გააზრება, იქნებოდა თუ არა ხვალ საქართველო უსაფრთხო. დარწმუნებული ვარ თავისუფლების მოყვარე ქართველი ხალხი, სულ მალე გამოგიტანთ დამსახურებულ განაჩენს და დაგეხმარებათ იმის გაცნობიერებაში, რომ  თქვენი სიტყვიერი თავდასხმა საომარ მდგომარეობაში მყოფ უკრაინის პრეზიდენტზე, ომის გამოცხადების ტოლფასია.   

დამატებითი ინფორმაციისათვის - უკრაინაში მიმდინარე ომთან დაკავშირებით საქართველოს პრემიერ-მინისტრის ნეგატიური განცხადება არ არის გზავნილი მხოლოდ სახელმწიფოს შიგნით, არამედ ეს არის მკაფიო მესიჯი ჩვენი სტრატეგიული პარტნიორებისთვისაც.   

ამიტომ, პრემიერ ღარიბაშვილი განცხადებების ზუსტი დიაგნოსტირებისთვის, თხოვნით მივმართავ დიპლომატიურ კორპუსს, უფრო მეტად მოხდინოს პრემიერის ამ ფარისევლური ქმედებების გააზრება და იდენტიფიცირება.

თავისუფლება ყოველთვის იმარჯვებს“, - აცხადებს ილია ზუკაკიშვილი