ევროპული სატაცურის სეზონი სწრაფი ტემპით მიმიდნარეობს. მართალია, სამხრეთ ევროპაში მკვეთრი სიცივის გამო, ესპანეთში სეზონს ცოტა დააგვიანდა, თუმცა ქვეყნის რეგიონ გრანადიდან იმპორტი მეტად აქტიურია. ამის შესახებ გერმანული კომპანია Fruchthandel Riel-ის პროდუქტების სპეციალისტმა, ნილს რიელმა განაცხადა, რასაც FreshPlaza ავრცელებს.

მისი თქმით, ესპანეთიდან გაგზავნილი პირველი პარტიის გარდა, ევროპის ქვეყნებში მექსიკური სატაცურიც გამოჩნდა, რადგან ევროპის მოთხოვნის დასაკმაყოფილებლად უცხოური იმპორტი გახდა საჭირო. პროდუქტი მექსიკიდან საჰაერო გზით იგზავნება, თუმცა მისი მარაგი იწურება და, დაახლოებით, 2-3 კვირაში ბოლო მიწოდება მოხდება. ამდენად, როგორც ნილს რიელი აცხადებს, ევროპაში პროდუქტის დეფიციტი ჯერ კიდევ შეინიშნება.

დეფიციტის აღმოსაფხვრელად, მაგალითად, გერმანულ ბაზარზე პირველად გაჩნდა იტალიური და ბერძნული სატაცური, მალე კი პროდუქტი უნგრეთიდანაც შევა.

ნილს რიელი ამბობს, რომ სატაცურის წარმოშობის ქვეყნებს შორის კონკურენციის ნაცვლად, უფრო პროდუქციის ურთიერთშევსების პროცესი შეინიშნება, რადგან თითოეული ქვეყნის პროდუქტი ცალ-ცალკე პერიოდში იყიდება. ამდენად, ევროპაში, ერთი ან ორი კვირის გამოკლებით, სეზონზე მწვანე თუ თეთრი სატაცურის ჭარბი რაოდენობა არასდროს შეინიშნება.

გაზრდილი ლოგისტიკური ხარჯების მიუხედავად, ნილს რიელი წელს სატაცურის კარგ სეზონს მოელის. მისი თქმით, სატაცური პრემიუმ პროდუქტიდან ფართო მასების პროდუქტად გადაიქცა.

წყარო: "ბიზნესპრესნიუსი"