EU საქართველოს უმსხვილესი სავაჭრო პარტნიორია, თუმცა პროგრესი ლოკოკინის ტემპით მიდის - ამის შესახებ ევროკავშირის ელჩი საქართველოში კარლ ჰარცელი აცხადებს საქართველო-ევროკავშირს შორის ღრმა და ყოვლისმომცველი თავისუფალი ვაჭრობის შეფასებისას.
საქართველოს სატრანსპორტო დერეფნის კვლევის ცენტრში ფიქრობენ, რომ ელჩი იმედგაცრუებულია და ეს, როგორც დიპლომატმა, მაქსიმალურად დიპლომატიურ ენაზე, ნეიტრალური სიტყვებით გამოხატა. ცენტრის პრეზიდენტი პაატა ცაგარეიშვილი ჰარცელის უკმაყოფილების მიზეზს ოფიციალური სტატისტიკური ციფრებით გვაცნობს და ამტკიცებს, რომ ევროკავშირის ბაზარი ქართული ექსპორტში ბოლო 10 წელიწადში რუსეთმა და ჩინეთმა ჩაანაცვლა.
2012 წელს საქართველოს ჯამურ საგარეო სავაჭრო საქონელბრუნვაში ევროკავშირის 28 ქვეყნის წილი 27% შეადგენდა,2021 წელს ევროკავშირის წილი - 21% ია. შემცირება საგრძნობია 5%. ბუნებრივია ისმის კითხვა? - ვინ ჩაანაცვლა ევროკავშირის ქვეყნები? პასუხი - რუსეთმა და ჩინეთმა, 2012 წელს საქართველოს ჯამურ საგარეო სავაჭრო საქონელბრუნვაში რუსეთის წილი 5% შეადგენდა, 2021 წელს რუსეთის წილი - 12% ია,ზრდა საგრძნობია - 7%; 2012 წელს საქართველოს ჯამურ საგარეო სავაჭრო საქონელბრუნვაში ჩინეთის წილი 6% შეადგენდა,2021 წელს ჩინეთის წილი - 10% ია,ზრდა საგრძნობია - 4%. დიპლომატმა, მაინც დიპლომატიურად გამოთქვა თავისი მოსაზრება; - გვეუბნება ტრანსპორტისა და ლოგისტიკის ექსპერტი, პაატა ცაგარეიშვილი.
ავტორი: ბელა გელაშვილი
წყარო: " აგროგარემო Tv"