OBOZREVATEL-თან ინტერვიუში უკრაინის საგარეო დაზვერვის სამსახურის ხელმძღვანელი 2005-2010 წლებში, არმიის გენერალი, მიკოლა მალომუჟი, ვარაუდობს, რომ რუსეთის ხელმძღვანელობა ამზადებს მიწისქვეშა ქალაქს ქვეყნის აღმოსავლეთით ბირთვული ომის შემთხვევაში. მისი მტკიცებით, ამას ირიბად ადასტურებს 17 მარტს განხორციელებული სამთავრობო ფრენები.
გენერლის თქმით, საბჭოთა პერიოდში არსებობდა მიწისქვეშა კონტროლის ცენტრები, სადაც ხალხს შეეძლო რამდენიმე თვის განმავლობაში ეცხოვრა. ის განმარტავს, რომ საბჭოთა კავშირის დროს ასეთ ბუნკერში თავის შეფარება ორი-სამი თვის განმავლობაში იყო შესაძლებელი, თუმცა თანამედროვე საშუალებების პირობებში, ახლა ბუნკერებში ყოფნა 1 წლამდეა შესაძლებელი.
გენერალი ნაკლებად ელის, რომ ვლადიმირ პუტინმა, დააჭიროს "ბირთვულ ღილაკს", მაგრამ ის თავს იზღვევს უკრაინის გამო ნატოსთან შესაზლო კონფლიქტისგან.
"აღმოსავლეთ რუსეთში, საბჭოთა კავშირის დროს, არსებობდა საომარი მოქმედებების დროს დაცვის განსაკუთრებით მნიშვნელოვანი ობიექტები, ამიტომ რუსეთი მუდმივად დაზღვეულია, ამუშავებს სხვადასხვა სცენარს, მათ შორის გლობალურ ომს. ისინი ატარებენ ასეთი ობიექტებში სრულ აუდიტს, ამოწმებენ ფარულ მიწისქვეშა სისტემებს. თუ ასეთი ფრენები მართლაც იყო, ეს ნიშნავს, რომ ეს ობიექტები მზადდება პრაქტიკული გამოყენებისთვის.
ბირთვული ომის შემთხვევაში, არის მიწისქვეშა კონტროლის ცენტრები როგორც ქვეყნის, ასევე ჯარების ხელმძღვანელობისთვის. ეს არის დახურული მიწისქვეშა ბუნკერები, რამდენიმე ათეული მეტრის სიღრმეზე, მთელი ქალაქის მასშტაბით. არსებობს ყველა საკომუნიკაციო სისტემა, მათ შორის მიწისქვეშა კომუნიკაციები სხვა რეგიონებთან, ავტონომიური ელექტრომომარაგება, გარე წყაროებისგან დამოუკიდებელი, სიცოცხლის მხარდაჭერის ავტონომიური მოდელი, ჰაერის გაწმენდის ჩათვლით. ანუ ბირთვული, ქიმიური ან ბაქტერიოლოგიური ომის შემთხვევაში ისინი მთლიანად იკეტება და ავტონომიურად მოქმედებენ", - ამბობს მალომუჟი.