რუსეთის მთავრობა ევროკავშირის ზღვრული ფასების საპასუხოდ ნავთობმოპოვების შემცირებას განიხილავს. ამის შესახებ პუტინმა ბიშკეკში ვიზიტის დროს განაცხადა, რასაც „ტასი“ ავრცელებს.
„საჭირო შემთხვევაში წარმოების შემცირების შესაძლებლობას განვიხილავთ. ჩვენ OPEC+-თან წარმოების ოდენოაზე შეთანხმება გვაქვს და ვიფიქრებთ, თუ რა შევცვალოთ,“ - აცხადებს პუტინი.
ის ხაზგასმით აცხადებს, რომ საბოლოო გადაწყვეტილება ჯერ მიღებული არ არის და რუსეთი ამჟამად რეაგირების ვარიანტებს განიხილავს, ხოლო შესაბამისი ბრძანებულება, პუტინის თქმით, „მომდევნო რამდენიმე დღეში გამოქვეყნდება.“
რუსეთის მთავრობა ევროკავშირის ზღვრული ფასების საპასუხოდ ნავთობმოპოვების შემცირებას განიხილავს. ამის შესახებ პუტინმა ბიშკეკში ვიზიტის დროს განაცხადა, რასაც „ტასი“ ავრცელებს.
„საჭირო შემთხვევაში წარმოების შემცირების შესაძლებლობას განვიხილავთ. ჩვენ OPEC+-თან წარმოების ოდენოაზე შეთანხმება გვაქვს და ვიფიქრებთ, თუ რა შევცვალოთ,“ - აცხადებს პუტინი.
ის ხაზგასმით აცხადებს, რომ საბოლოო გადაწყვეტილება ჯერ მიღებული არ არის და რუსეთი ამჟამად რეაგირების ვარიანტებს განიხილავს, ხოლო შესაბამისი ბრძანებულება, პუტინის თქმით, „მომდევნო რამდენიმე დღეში გამოქვეყნდება.“
პუტინი კვლავ იმუქრება, რომ ნავთობს „უბრალოდ, აღარ მიჰყიდის იმ ქვეყნებს, რომლებმაც ფსასის ლიმიტზე მიიღეს გადაწყვეტილება.“
ევროკავშირის ქვეყნების მუდმივმა წარმომადგენლებმა რუსულ ნავთობზე ბარელის ზღვრული ფასი 60 დოლარამდე დაადგინეს. ამას მოჰყვა G7-ის ქვეყნების განაცხადება, რომ რუსეთიდან საზღვაო გზით ექსპორტირებულ ბარელ ნავთობზე ფასი 60 დოლარს აღარ ასცდება.
ევროკავშირის სანქციების მეექვსე პაკეტი, მათ შორის რუსული ნავთობის იმპორტზე ემბარგო, ძალაში 5 დეკემბრიდან შევიდა. ამასთან, იკრძალება რუსული ნავთობის საზღვაო ტრანსპორტირებაზე მომსახურების გაწევა, მისი დაზღვევა, საბროკერო მომსახურება და ოპერაციების დაფინანსება. გამონაკლისი მაშინ იმოქმედებს, თუ საწვავი ზღვრულ ფასზე ძვირად არ გაიყიდება. ანალოგიურ აკრძალვას G7-ის ქვეყნებიც, ანუ დიდი ბრიტანეთი, გერმანია, იტალია, კანადა, საფრანგეთი, იაპონია და აშშ აწესებენ.
ამის საპასუხოდ პუტინი აცხადებს, რომ ევროკავშირის გადაწყვეტილება საზიანოა მხოლოდ გლობალური ენერგეტიკული ბაზრისთვის და რუსეთის ბიუჯეტს ეს არაფერს დააკლებს.
„ვიმეორებ, ჩვენ ისედაც ამ ფასებში ვყიდით ნავთობს. ასე რომ, ბიუჯეტზე არ ინერვიულოთ,” - მიმართავს პუტინი დასავლეთის ქვეყნებს.
გასული კვირის ბოლოს OPEC+-ის ქვეყნებმა, მათ შორის რუსეთმა, გადაწყვიტეს, ზღვრული ფასის ფონზე ნავთობწარმოების მიმდინარე გეგმა არ შეცვალონ. კარტელის ოქტომბრის გადაწყვეტილებით, OPEC+ ნავთობმოპოვებას დღეში 2 მილიონი ბარელით ამცირებს, რაც გლობალური მოთხოვნის, დაახლოებით, 2%-ია.
პუტინი
