რუსეთის პრეზიდენტმა ვლადიმერ პუტინმა ხელი მოაწერა კანონს ანტიკრიზისული საგადასახადო ღონისძიებების შესახებ, რათა მხარი დაუჭიროს ეკონომიკას ფიზიკური და იურიდიული პირების მიმართ დაწესებული მკაცრი სანქციების პირობებში.
კანონი საშემოსავლო გადასახადისგან ათავისუფლებს შემოსავალს, მიღებულს 2021-2023 წლებში მატერიალური სარგებლის სახით, ასევე, იმავე პერიოდში მიღებულ შემოსავალს, რომელიც განთავსებულია რუსეთის ტერიტორიაზე არსებული ბანკების დეპოზიტებზე.
დღგ-ის დაბრუნების დეკლარაციული პროცედურის გამოყენების უფლება ეძლევა ყველა გადასახადის გადამხდელს, რომელიც არ იმყოფება რეორგანიზაციის ან ლიკვიდაციის პროცესში და რომელთა მიმართაც არ დაწყებულა გაკოტრების საქმის წარმოება.
ამასთან, 2022-2024 წლებში, ვალის დაფარვის საგადასახადო ბაზის გაანგარიშებისას, გათვალისწინებული იქნება საკურსო სხვაობა, რომელიც დარიცხული იყო უცხოურ ვალუტაში გამოთვლილ ვალდებულებებზე.
IT კომპანიებისთვის მიმდინარე წლების განმავლობაში დაწესდება კორპორატიული საშემოსავლო გადასახადის 0%-იანი განაკვეთი.
სავარაუდოდ, კორპორატიული საშემოსავლო გადასახადის გადამხდელებს 2022 წლის განმავლობაში ექნებათ უფლება, გადავიდნენ ავანსის გადახდაზე ყოველთვიურად ფაქტობრივი მოგების საფუძველზე.
დღგ-სთვის შემოთავაზებულია ხუთი წლის განმავლობაში 0%-იანი განაკვეთის დაწესება სხვადასხვა განსახლების ობიექტებში, კერძოდ, სასტუმროებში დროებითი საცხოვრებლის ადგილების მიწოდების სერვისებთან დაკავშირებით. ასევე, დღგ-ის ნულოვანი განაკვეთი დგინდება 2022 წლის 1 იანვრამდე ექსპლუატაციაში შესული ტურისტული ინდუსტრიის ობიექტის იჯარით გაცემის ან მართვის მომსახურებისთვის.