რუსეთის ფედერაციის ერთ-ერთი უმდიდრესი პოლიტიკოსი და ვლადიმირ პუტინის აქტიური კრიტიკოსი პაველ ანტოვი ინდოეთის სასტუმროში გარდაცვლილი იპოვეს. დეპუტატი 2019 წელს, Forbes-ის მიხედვით, რუსეთის უმდიდრესი საჯარო მოხელეების რეიტინგის სათავეში იყო. რამდენიმე დღით ადრე ამავე სასტუმროში მისი მეგობარი და პოლიტიკური თანამოაზრე გარდაიცვალა. რუსეთის გენერალურმა საკონსულომ განაცხადა, რომ ორი რუსის გარდაცვალებაში საეჭვო ვერაფერი დაინახა.
გარდაცვლილი დეპუტატი ვლადიმირის რეგიონის საკანონმდებლო ასამბლეის აგრარული პოლიტიკის, ბუნების მართვისა და ეკოლოგიის კომიტეტის თავმჯდომარე იყო. მისი გარდაცვალების შესახებ ინფორმაცია რუსეთის საკანონმდებლო კრების ვებგვერდზე გავრცელდა. ანტოვმა 22 დეკემბერს 65 წელი შეუსრულდა. გარდაცვალების მიზეზი განცხადებაში არ არის დაკონკრეტებული. ანტოვი „ტრაგიკული გარემოებების შედეგად გარდაიცვალა", - წერს საკანონმდებლო ასამბლეის თავმჯდომარის მოადგილე ვიაჩესლავ კარტუხინი თავის Telegram არხზე.
ინდური ტელეარხი NDTV-ის ცნობით, გარდაცვლილი რუსი დეპუტატი ინდოეთის შტატ ოდიშაში, რაიაგადას რაიონში მდებარე სასტუმროში იპოვეს და გარდაცვალების გარემოებები თვითმკვლელობაზე მიუთითებს. არხის ცნობით, 22 დეკემბერს იმავე სასტუმროში გარდაცვლილი იპოვეს მისი მეგობარი ვლადიმერ ბიდენოვი.
შეგახსენებთ, რომ პაველ ანტოვი პუტინის რეჟიმის კრიტიკოსი იყო. რუსეთ-უკრაინის ომთან დაკავშირებით, სოციალურ ქსელში უკრაინის წინააღმდეგ განხორციელებულ თავდასხმას „პუტინის ტერორი“ უწოდა, მაგრამ შემდეგ პოსტი წაშალა და საჯაროდ ბოდიში მოიხადა.
შეგახსენებთ, რომ პაველ ანტოვი პუტინის რეჟიმის კრიტიკოსი იყო. რუსეთ-უკრაინის ომთან დაკავშირებით, სოციალურ ქსელში უკრაინის წინააღმდეგ განხორციელებულ თავდასხმას „პუტინის ტერორი“ უწოდა, მაგრამ შემდეგ პოსტი წაშალა და საჯაროდ ბოდიში მოიხადა.