რუსეთის პრეზიდენტის ონკოლოგიურ დაავადებაზე ჭორები დიდი ხანია ვრცელდება.  რუსული მედიის ცნობით, მალე პუტინს ოპერაციის გაკეთება მოუწევს.

რუსმა ჟურნალისტმა და პოლიტიკოსმა ანდრეი პიონტკოვსკიმ უკრაინა 24-თან ინტერვიუში რუსეთის ფედერაციის პრეზიდენტის სავარაუდო გარდაცვალებაზე ისაუბრა.

მისი თქმით, რუსეთის პრეზიდენტის პუტინის სიკვდილი საოპერაციო მაგიდაზე შეიძლება იყოს ომის დასრულებისა და კრემლში ძალაუფლების შეცვლის  ,,ყველაზე უვნებელი სცენარი".

პუბლიცისტმა აღნიშნა, რომ 10 წელია პუტინის შესაძლო ავადმყოფობაზე საუბრობენ.  პიონტკოვსკის თქმით, ახლა დიქტატორი მართლაც ცუდად გამოიყურება, ის გამუდმებით მაგიდას ეკიდება, ცუდად გამოიყურება  და  უცნაურად იქცევა .

,,საოპერაციო მაგიდაზე სიკვდილი ბევრის აზრით ყველაზე უდანაშაულო სცენარად ითვლება. ეს უფრო ადვილია, ვიდრე რაიმე სახის სამხედრო გადატრიალების მოწყობა, ბუნკერში ავტომატებით შეჭრა", - თქვა პიონტკოვსკიმ.

როგორც პუბლცისტი აღნიშნავს, თუ პუტინი მოკვდა, მაშინ რუსეთის ფედერაციაში შესაძლებელია ხელისუფლების შეცვლა. რუსი მილიარდერები ცდილობდნენ სიტუაციის გამოსწორებას და ომის დასრულებას.

პიონტკოვსკის მიაჩნია, რომ ყველაფერი 9 მაისს უნდა გადაწყდეს. ჟურნალისტის თქმით, რუსეთის ფედერაციაში შეუქცევადი გადაწყვეტილებები უნდა იქნას მიღებული. კრემლმა უნდა გამართოს „მეოცე კონგრესი“ ან დადოს ახალი ბრესტის სამშვიდობო ხელშეკრულება.