2022 წლის გაზაფხულზე Inn Group-ი რეგიონებში 2 ახალ სასტუმროს, ერთს ქუთაისში და მეორეს - გორში გახსნის. ამის შესახებ „ბიზნესპრესნიუსს“ Inn Group-ის აღმასრულებელმა დირექტორმა ერეკლე კოკაიამ განუცხადა.
მისი თქმით, ქუთაისის სასტუმრო 100-ნომრიანი იქნება, ხოლო გორის 120. კოკაიას თქმით, ორივე სასტუმრო ქალაქის ცენტრშია. რაც შეეხება კიდევ ერთ ახალ პროქტს, ის უკვე 2023 წელს გაიხსნება ახალციხეში.
,, ჩვენ, 2022 წლის გაზაფხულზე ვგეგმავთ ორი ახალი სასტუმროს გახსნას. ესენია ქუთაისი და გორი. „ქუთაისი ინნი“ იქნება 100-ნომრიანი სასტუმრო, რომელიც ბალახვანის ტერიტორიაზე, ქალაქის ცენტრში მდებარეობს. ძირითადი გათვლაა როგორც ტურისტულ კომპანიებზე, ასევე იმ ტურისტებზე, რომლებიც ჩამოდიან ქუთაისის აეროპორტში. ამ ეტაპისთვის კი მიწოდება არ არის სასტუმრო სექტორიდან საკმარისი. მით უფრო, რომ ქუთაისი, საკმაოდ პოპულარული ადგილია ტურისტულად მისი ადგილმდებარეობის გამო. ამიტომ, მოთხოვნა იმდენად მაღალია, რომ ვცდილობთ, რაც შეიძლება დროულად მივაწოდოთ ეს პროდუქტი.
რაც შეეხება „გორი ინნს“ ესეც ქალაქის ცენტრში, 100-ნომრიანი სასტუმრო იქნება, ყოფილი ცირკის ტერტორიაზე. ერთ-ერთი მიზეზი, რის გამოც ამ სასტუმროს გახსნა გადავწყვიტეთ არის ის, რომ ქალაქი არ იყენებს თავისი ტურისტული პოტენციალს, რომელიც უდავოდ აქვს. გორში არის საქართველოში ყველაზე პოპულარული, ეროვნულ მუზეუმზე უფრო ხშირად მონახულებადი მუზეულმი (სტალინის). ასევე, მაგალითად, 2019 წელს, უფლისციხეს 300 000-ზე მეტი ვიზიტორი ეწვია და ამით, ყველაზე პოპულარული ტერიტორია გახდა დაცულ ტერიტორიებს შორის. სამწუხაროდ, ეს არ აისახება გორზე და გორის ეკონომიკაზე. ამიტომ, ვთვლით რომ სასტუმროს ფუნქციონირებით პოპულარიზაციას გავუწევთ გორს არა მხოლოდ უცხოელ, ქართველ ტურისტებშიც. გვაქვს უზარმაზარი მარანი და ქართლური საინტერესო ღვინის ტურებიც ელოდება მომხარებელს.
გვაქვს ასევე მესამე პროექტი „ახალციხე ინნი“ 120-ნომრიანი დიდი, სასტუმრო კომპლექსი, რომელიც უკვე 2023 წელს გაიხსნება“- განაცხადა კოკაიამ ,,ბიზნეპრესნიუსთან“.
ცნობისთვის, Inn Group-ი ამ ეტაპზე 4 სასტუმროს მართავს. აქედან ორი თბილისში, 2 კი მთის კურორტებზე გუდაურსა და ბაკურიანში მდებარეობს. ჯგუფის სასტუმროები ჯამურად 470 ნომერს აერთიანებს, საიდაც 400 ადამიანია დასაქმებული.
წყარო: bpn.ge
სასტუმრო
