ქართული ღვინის ნომერ პირველი საექსპორტო ბაზარი რუსეთია. სწორედ რუსეთზე მოდის ექსპორტირებული ღვინის 69.9%-ი. 2022 წელს რუსეთში 87 070 634 ბოთლი ღვინის ექსპორტი განხორციელდა, ხოლო 2021 წელს კი 62 115 759 ბოთლის, შესაბამისად ზრდა 40%-ა.
2021 წლის ღვინის ექსპორტის სტატისტიკაში კი რუსეთის წილი 58%-ია.
2022 წელს რუსეთის ბაზარზე ქართული ღვინის ექსპორტიორებს შორის ლიდერი Bolero & Company-ა, რომელზედაც რუსეთში ექსპორტირებული ღვინის 12%-ი მოდის. 2022 წელს აღნიშნულმა კომპანიამ რუსეთის ბაზარზე 10 392 691 ბოთლი ღვინო გაგზავნა. რუსეთში ექსპორტიორ კომპანიებს შორის მეორე ადგილზეა GVMT Group-ი, რომლის მიერ რუსეთში შეტანილი ღვინის მოცულობა 9 990 010 ბოთლია, ანუ რუსეთში ღვინის მთლიანი ექსპორტის 11%-ი. 2022 წელს საქართველოდან რუსეთში ღვინის ექსპორტი მთლიანობაში 70 კომპანიამ განახორციელა.
რუსეთში ქართული ღვინის ექსპორტიორი კომპანიების TOP-10 ასე გამოიყურება:
1. Bolero & Company - 10 392 691 ბოთლი
2. GVMT Group - 9 990 010 ბოთლი
3. დუგლაძეების ღვინის კომპანია - 7 004 905 ბოთლი
4. ბადაგონი - 6 738 391 ბოთლი
5. ასკანელი ძმები - 6 236 155 ბოთლი
6. კახური ტრადიციული მეღვინეობა - 5 948 675 ბოთლი
7. კოტეხი-გურჯაანის ღვინის ქარხანა - 4 973 298 ბოთლი
8. ალკოჰოლური სასმელების კომპანია ალავერდი - 2 663 978 ბოთლი
9. გრუზვინპრომი - 2 622 195 ბოთლი
10. ქართული ღვინის სახლი - 2 611 227 ბოთლი.
საგულისხმოა, რომ საქართველომ ღვინის ექსპორტი 16%-ით გაზარდა. არსებული სტატისტიკური მაჩვენებლების თანახმად, ექსპორტზე 124 520 689 ბოთლი ღვინო გავიდა, 2021 წელს კი 107 134 552 ბოთლი, შესაბამისად ზრდამ 16,2%-ი შეადგინა.
ღვინო
