საქართველოში პირველი პოლიურეთანის სენდვიჩ-პანელების და ინდუსტრიული სამშენებლო მასალების მწარმოებელი კომპანია „პანექსი“ 2015 წელს დაარსდა და მალე დაიმკვიდრა თავი ქართულ ბაზარზე. 2022 წლის დასაწყისში კომპანიამ მნიშვნელოვანი ცვლილებები განიცადა -  შეიცალა მენეჯმენტი და განახლდა წარმოების ხაზი, რამაც ქარხანა წარმატების ახალ ეტაპზე გადაიყვანა.

მოქნილმა პროცესმა და ხარისხის მუდმივმა შენარჩუნებამ ხელი შეუწყო სამშენებლო სექტორის სწრაფ განვითარებას. კომპანიის მიზანი ადგილობრივ ბაზარზე განვითარება და მაღალი სტანდარტების შენარჩუნებაა.

„პანექსი“ აწარმოებს კედლის და სახურავების სენდვიჩ-პანელებს, აქსესუარებს და მაცივრის კარებს. პოლიურეთანის სენდვიჩ-პანელები ინოვაციური სამშენებლო მასალაა, რომლის გამოყენებაც შესაძლებელია სხვადასხვა კომერციული და საჯარო ნაგებობების მშენებლობისთვის, როგორიცაა: სამაცივრე და საყინულე სათავსოები, სასაწყობე და საწარმოო შენობები, ტექნიკური, კომერციული და საცხოვრებელი ჯიხურები. ის ასევე იდეალურია არსებული შენობების თბოიზოლაციური შეფუთვისათვის.

აღსანიშნავია, რომ „პანექსში“ წარმოების პროცესში აქტიურად არიან ჩართული ევროპელი სპეციალისტები, რომლებიც წარმოების ხარისხს აკვირდებიან და ყველა სტანდარტს ზედმიწევნით იცავენ.

„პანექსის“ პანელებით შესრულებულ პროექტებს შორისაა: „კოკა-კოლას“, „ბრედფილდის“, „ბარამბოს“, „ბოინგის“, „ანაგის“, „გუდვილის“, „ფუდსერვისის“, „ქართული ცემენტისა“ და სხვა კომპანიების სამშენებლო ობიექტები.

„პანექსს“ 50-მდე დასაქმებული ჰყავს. წლიურად კომპანიის მიერ წარმოებული პროდუქციის 25% - ექსპორტზე გადის - აზერბაიჯანსა და სომხეთში.

„პანექსი“ პანელით წლის განმავლობაში 100-ზე მეტი ინდუსტრიული შენობა შენდება.

2022 წელს კომპანიის წარმოება - 300 000 კვ.მ. იყო. 2023 წლისთვის წინა წლის მაჩვენებლის 500 000 კვ.მ-მდე გაზრდაა დაგეგმილი.

სენდვიჩ-პანელებს ბევრი უპირატესობა აქვს. პირველ რიგში ისინი ეკონომიურია, რადგან მათ უკვე დამუშავებული ზედაპირი აქვთ, რომელიც არ საჭიროებს ფასადზე დამატებით სარემონტო სამუშაოებს, რაც სამშენებლო ხარჯებს ამცირებს;

მეორე უპირატესობა კონსტრუქციის სიმსუბუქეა, საძირკვლის აგების დანახარჯების შემცირებას განაპირობებს. ამასთან ერთად, სენდვიჩ-პანელების მონტაჟი მძიმე ამწე მოწყობილობების გამოყენებას არ საჭიროებს;

პოლიურეთანის ქაფი, რომელიც გამოიყენება სენდვიჩ-პანელის შიდა ფენაში, მისი ქიმიური დანამატების წყალობით აფერხებს ხანძრის გაჩენას და გავრცელებას;

გარე ლითონის ფენა ხასიათდება ფასადის ფერის შენარჩუნების ხანგრძლივობით, იგი ამცირებს დასხივების ინტენსივობას და ხელს უწყობს შენობაში სათანადო ტემპერატურის შენარჩუნებას. სენდვიჩ პანელები ასევე ხასიათდება ბგერითი იზოლაციის მაღალი კოეფიციენტით;

ამას გარდა, პროდუქცია გამოირჩევა ექსპლუატაციის ხანგრძლივი ვადით, იგი 25 წლის განმავლობაში ინარჩუნებს თავდაპირველ მდგომარეობას.

სენდვიჩ-პანელის კიდევ ერთი უპირატესობა მობილობაა. ის ერთადერთი მასალაა, რომლის მეშვეობით აგებული შენობის დემონტაჟი, გადატანა და ხელახალი მონტაჟი იოლადაა შესაძლებელი.

პროდუქცია საქართველოში, კერძოდ რუსთავში იწარმოება (წითელი-ხიდის გზატკეცილი მე-17 კმ.) და როგორც კომპანიაში აცხადებენ, „პანექსის“ პანელები სრულად ქართული პროდუქტია.