უკრაინაში საომარი მოქმედებების ფონზე რუსეთის მოქალაქეების ქვეყნიდან გადინებამ, ყოფილი საბჭოთა რესპუბლიკების ვალუტა წელს მსოფლიო რეიტინგში პირველ ადგილებზე აიყვანა. რუსებმა მილიარდობით დოლარის დანაზოგი შემოიტანეს საქართველოში, სომხეთსა და ტაჯიკეთში. მონაცემებს Bloomberg ავრცელებს.

საქართველო, სომხეთი და ტაჯიკეთი რუსებისთვის პოპულარული მიმართულებებია, რადგან მათ ამ ქვეყნებში ვიზა არ სჭირდებათ, არ აქვთ ენობრივი ბარიერი და  შეზღუდვები დანაზოგების ადგილობრივ ბანკებში გადარიცხვაზე არ არსებობს. 2022 წლის თებერვლიდან ამ ქვეყნებში ათიათასობით რუსეთის მოქალაქე დასახლდა, პუბლიკაციაში ნათქვამია

წლის დასაწყისიდან სომხური დრამი დოლართან მიმართებაში 22%-ზე მეტით გამყარდა და მსოფლიო ვალუტებს შორის ლიდერი გახდა. ქართული ლარი 16%-ით, ტაჯიკური სომონი 10%-ით.

რუსების ემიგრაციამ, საქართველოს ეროვნული ბანკის მონაცემებით, 2022 წელს რუსეთიდან ქვეყანაში შემოსული ფულადი გზავნილების ხუთჯერ ზრდა გამოიწვია, ტრანსფერები 60%-ზე მეტით გაიზარდა და 1,75 მლრდ დოლარს მიაღწია.

სომხეთმა 2022 წელს 2,8 მილიარდი დოლარის ფულადი გზანილები განხორციელდა, თითქმის ოთხჯერ მეტი, ვიდრე გასული წლის ანალოგიურ პერიოდში, წერს Bloomberg-ი.

რუსებისთვის კიდევ ერთი პოპულარული ადგილი ყაზახეთი გახდა, თუმცა ტენგემ, როგორც გამოცემა წერს, შესაძლოა წელი ზარალით დაასრულოს.

Bloomberg-ის ცნობით, ექსპერტები ელოდნენ, რომ რუსეთის მოსაზღვრე სახელმწიფოები დაზარალდებოდნენ, რადგან მათი უდიდესი სავაჭრო პარტნიორი სანქციების ქვეშ იმყოფებოდა. თუმცა, კაპიტალის დიდმა ნაკადმა, პირიქით, მათი სავალუტო რეზერვები გაზარდა და მიმდინარე ანგარიშის ბალანსი გააუმჯობესა.

სომხეთში ეკონომიკურმა ზრდამ მიმდინარე წლის მეორე და მესამე კვარტალში ორნიშნა რიცხვს მიაღწია, საქართველოში 10 %-იანი ზრდა დაფიქსირდა.

რაც შეეხება ტაჯიკეთს, ფულადი გზავნილები წლის პირველ ნახევარში მინიმუმ 50%-ით გაიზარდა და 2022 წელს ქვეყნის ეკონომიკას 7%-ით გაეზარდა.

გამოცემის ცნობით, საერთაშორისო სავალუტო ფონდმა საქართველოს ეკონომიკური ზრდის პროგნოზი 10%-მდე გაზარდა, სომხეთის ცენტრალურმა ბანკმა - 4,9%-დან 13%-მდე.

მოამზადა მაკა ბიბილაშვილმა