ქართული სტარტაპი Elven Technologies-ი Tesla-სთან თანამშრომლობას განიხილავს, როგორც მან რადიო „კომერსანტის“ გადაცემაში, „კომერსანტის დილა“ აღნიშნა ის  ცეცხლგამძლე მატერიით ელექტრომობილების ბატარეების შეფუთვას იწებს, მისივე თქმით არსებობს შანსი იმისა, რომ ელექტრომობილის ბატარეის  წვამ შესაძლოა მანქანის  ხანძარი გამოიწვიოს, შესაბამისად ამისგან საჭიროა  დაცვა.

„როდესაც კალიფორნიაში ვიყავი, მე თვითონ შევესწარი ტესლას  რამდენიმე ხანძარს, შემდეგ აღმოვაჩინეთ, რომ ლითიუმის ბატარეები, რომლითაც ელექტრომობილების უმეტესობა დადის,  ძალიან მაღალ  ტემპერატურაზე იწვის, თან დაცვის მექანიზმები არ არსებობს, რაც მოუგვარებელი პრობლემაა. მიუხედავად იმისა, რომ ბატარეების ხანძარი იშვიათია და დაახლოებით 100 000 ში 25 მანქანა იწვება, დამცავის შექმნა აუცილებელია, რადგან როდესაც 4 მილიონი მანქანაა უკვე  საკმაოდ  დიდი რიცხვი გამოდის. გარდა ამისა ელექტრომობილების ბაზარი ძალიან მზარდია. ასევე მინდა აღვნიშნო, რომ ეს პრობლემა მხოლოდ ელექტრომობილებზე არ ვრცელდება, მსგავსი ემართება იმ სატრანსპორტო საშუალებას, რომელსაც ლითიუმის ბატარეა აქვს, იქნება ეს სკუტერი, ავტობუსი, ელექტრო ვერტმფრენი თუ მოტოციკლი, ეს არის  პრობლემა რომელსაც დიდ ბაზარზე გავყავართ“ - აღნიშნა ვამეხ ხერხეულიძემ.

 ხერხეულიძემ ასევე  აღნიშნა, რომ ამერიკის ბაზარზე არსებულ  რამდენიმე ელექტრო მობილების მწარმოებელ  კომპანიასთან მიდის მოლაპარაკებები, ნაწილთან მოლაპარაკების ეტაპზეა, ნაწილთან კი executive Level - ზე.

„რაც შეეხება  კონკრეტულ კომპანიებს, ამერიკის  ბაზარზე პირველი ტესლაა,  შემდეგ მოდის რივიანი და ლუსიდი, ასევე მოლაპარაკებები გვაქვს კიდევ ორ კომპანიასთან , რომლებსაც ჯერჯერობით ვერ დავასახელებთ, რამდენიმე მათგანთან უკვე გასულები executive level - ზე, ანუ იმ ხალხზე  ვინც  პირდაპირ იღებს  გადაწყვეტილებას  და რამდენიმე მათგანთან შუა რგოლის მენეჯმენტზე.

Elven Technologies-ის თანადამფუძნებელი ფიქრობს, რომ პროექტში დაახლოებით ნახევარი მილიონი დოლარის ინვესტიცია განხორციელდება, კომპანია ამ ეტაპზე ფინანსური  რესურსების  მოძიების  პროცესშია.

კომპანია Elven Technologies – მა  ელექტრომობილების ბატარეის შესაფუთ მასალების წარმოების დაწყებამდე მეხანძრის ინოვაციური ცეცხლ გაუმტარი კოსტიუმი დაამზადა, იგი სრულიად ცეცხლ გაუმტარია და არსებული კოსტიუმებისგან  მეხანძრეს 8-ჯერ უფრო მაღალი ტემპერატურისგან ხანგრძლივად იცავს.

Elven Technologies-ის გუნდს ინოვაციებისა და ტექნოლოგიების სააგენტოს 100 000 ლარიანი და ევროსაბჭოს 30 000 ევროს გრანტი აქვს მიღებული. ასევე, გუნდმა პირველი საინვესტიციო რაუნდი $160 000-ის 2020 წლის ბოლოს დახურა, რომელშიც ცხრა ინვესტორი მონაწილეობდა. მათ შორის იყო Technovate ამერიკული ვენჩურული სტუდიო Silicon Valley-დან.

თაკო კვაჭანტირაძე