ბავშვის ტანსაცმლის ქართულმა კომპანიებმა პრესტიჟულ საერთაშორისო გამოფენა - Pitti Immagine Bimbo 2023-ში მიიღეს მონაწილეობა. ღონისძიება 18-20 იანვარს, იტალიის ქალაქ ფლორენციაში გაიმართა. ღონისძიებაში 7 ქართული კომპანია: Peek-a-boo, Uniki, Lemo, Eshvi kids, Nikolli, Kombinizona, Chikatai (სათამაშოები) მონაწილეობდა. პროექტი სააგენტო „აწარმოე საქართველოში“  მხარდამჭერით განხორციელდა.

საერთაშორისო ბაიერებით დატვირთული გამოფენა ქართველი მონაწილეებისთვის წარმატებული აღმოჩნდა. საქართველოში დამზადებული ტანისამოსის შესახებ სხვადასხვა საერთაშორისო მედიაში, კერძოდ Lemon Magazine-ში, Milk-ში, Elle-სა და Luna Magazine-ში დაიწერა. გამოფენას საქართველოს ელჩი იტალიაში კონსტანტინე სურგულაძე ეწვია.

ქართულმა ნაწარმით განსაკუთრებულად საუდის არაბეთის, კორეას, ამერიკის, სინგაპურის, თურქეთის, იტალიის, დიდი ბრიტანეთის, ქუვეითის, იაპონიის, ლიეტუვასა და ესპანეთის წარმომადგენლები დაინტერესდა.

Pitti Immagine Bimbo-ს ყოველწლიურად 10 000 ვიზიტორი სტუმრობს. ღონისძიებაში 500-მდე საერთაშორისო ბრენდი იღებს მონაწილეობას. გამოფენას ყოველთვის მსხვილი ბრენდების წარმომადგენლები და მულტინაციონალური ვიზიტორები ესწრებიან.