უცხოური კომპანიების მხრიდან ქართველ მეზღვაურებზე საკმაოდ მაღალი მოთხოვნაა, - აღნიშნულის შესახებ „კომერსანტს“ კომპანია Manning Crew Georgia-ში განუცხადეს, რომელიც ქართველ მეზღვაურებს სხვადასხვა ვაკანსიებს სთავაზობს და მათ დასაქმებაში ეხმარება.
როგორც Manning Crew Georgia-ში აცხადებენ, მათი კომპანიის მეშვეობით თვეში 20-დან 50-მდე ქართველი მეზღვაური საქმდება.
„ქართველ მეზღვაურებზე საკმაოდ მაღალი მოთხოვნაა და ბევრი ვაკანსია შემოდის. შემოსული ვაკანსიების მიხედვით ქართველი მეზღვაურებისთვის ხელფასი იგივეა, რაც სხვა ქვეყნების შემთხვევაში. ერთადერთი გამონაკლისია ამ მხრივ ფილიპინელი მეზღვაურები არიან, რომლებზედაც შედარებით დაბალ ხელფასებზეა შეთავაზება.
ვაკანსიებს თითქმის ყოველდღე ვანახლებთ და ვცდილობთ, რომ ბევრი მეზღვაური დავასაქმოთ. თვის განმავლობაში შესაძლოა ჩვენი საშუალებით 20-დან 50 მეზღვაურამდე დასაქმდეს. გააჩნია თავად დამსაქმებელ კომპანიას რა ტიპის მოთხოვნები აქვს“, - განმარტავენ Manning Crew Georgia-ში.
რაც შეეხება კონტაქტებს, ისინი განსხვავებულია. Manning Crew Georgia-ში აცხადებენ, რომ რიგითი მეზღვაურებისთვის კონტაქტების საშუალო პერიოდი 4 თვეა, ოფიცრებისთვის კი 3-დან 5-6 თვემდე.
„ქართველ მეზღვაურებზე მოთხოვნების უმეტესობა სატვირთო გადაზიდვებით დაკავებული ბერძნული, გერმანული და ინდური საზღვაო კომპანიების მხრიდან შემოდის“, — აცხადებენ Manning Crew Georgia-ში.