„ქათამურას“ დამფუძნებლები - თათია თვალაძე და თომა გლურჯიძე ხის ფიგურებს ამზადებენ, რომელიც ხაზს უსვამს საქართველოს ბიომრავალფეროვნებას.

„ჩვენ გვინდოდა აღგვებეჭდა საქართველოს სილამაზე და მიგვეტანა ის მომხმარებლებამდე,“ - ამბობს თომა გლურჯიძე და იხსენებს როგორ დაიწყო „ქათამურას“ ისტორია.

თათიამ და თომამ, 119 სხვა ოსტატთან ერთად, USAID-ის თემატური ტრენინგ კურსები გაიარეს. რის  შედეგადაც, ბიზნესის განვითარება და COVID-19 პანდემიით გამოწვეული დაბრკოლებების წარმატებით გადალახვა შეძლეს.

პანდემიის გაძლიერების შემდეგ, „ქათამურამ“ თითქმის შეწყვიტა არსებობა. მომხმარებლები ონლაინ შოპინგზე გადავიდნენ და შესაბამისად, მაღაზიებში გაყიდვებიც მკვეთრად შემცირდა.

ახალ რეალობასთან გასამკლავებლად, თათიამ და თომამ, USAID-თან თანამშრომლობით, ხელნაკეთი ნივთების გაყიდვა პლატფორმა Etsy-ზე გააგრძელეს. USAID-ისა და Etsy-ის სტრატეგიული პარტნიორობის შედეგად Etsy-იმ ქართველ ოსტატებს ციფრული მარკეტინგისა და ბრენდინგის ტრენინგი შესთავაზა. თათიამ და თომამ მალევე გადააკეთეს თავიანთი ბიზნეს მოდელი და ტრენინგებზე მიღებული ინფორმაციის შესაბამისად განაახლეს მაღაზია Etsy-ზე. შედეგად, მათი გაყიდვები არა მხოლოდ დაუბრუნდა ძველ ნიშნულს, არამედ გადააჭარბა კიდეც. თათიამ და თომამ შეძლეს ახალი აღჭურვილობის შეძენა და თავიანთი მხატვრული უნარების დახვეწა.