ქედის მუნიციპალიტეტის 2023 წლის ბიუჯეტის პროექტში, განათლების წახალისების, მოსწავლისა და სტუდენტის მოტივირებისთვის გაწერილია სტიპენდიები. კერძოდ, სტუდენტი, რომელიც ერთიან ეროვნულ გამოცდებში მოიპოვებს 100%-იან გრანტს, სტიპენდიის სახით ერთჯერადად ჩაერიცხება 1000 ლარი, 70%-ის შემთხვევაში - 700 ლარი, ხოლო 50%-ის შემთხვევაში - 500 ლარი.

დოკუმენტის თანახმად, „იმისათვის, რომ კიდევ უფრო მეტად ამაღლდეს მოსწავლისა და სტუდენტის სწავლის ხარისხი, ძალზედ მნიშვნელოვანია მათი  მოტივირება. პროგრამის ფარგლებში განხორციელდება წარმოდგენილი განცხადებების მიღება, განხილვა და დაზუსტება. შერჩეულ ბენეფიციარებზე წლის განმავლობაში ერთხელ გაიცემა სტიპენდია, რომლებსაც  ბოლო ორი წელი  ნასწავლი აქვთ  ქედის  მუნიციპალიტეტის საჯარო სკოლაში, ამასთან მოსწავლეს უნდა ჰქონდეს მინიჭებული

ოქროს ან ვერცხლის მედალოსნის სტატუსი. ასევე ქვეპროგრამის ფარგლებში განხორციელდება იმ სტუდენტთა წახალისება, რომლებიც ბოლო ორი წელი სწავლობდნენ  ქედის  მუნიციპალიტეტის საჯარო სკოლაში და  ერთიან ეროვნულ გამოცდებში მოიპოვებენ სახელმწიფო (50%, 70%, 100%) გრანტს და ჩაირიცხებიან საქართველოს ტერიტორიაზე არსებულ, ავტორიზებულ უმაღლეს საგანმანათლებლო დაწესებულებებში აკადემიური უმაღლესი განათლების პირველი საფეხურის უმაღლეს საგანმანათლებლო პროგრამებზე

შენიშვნა: ქვეპროგრამის ფარგლებში სტიპენდია გაიცემა შემდეგნაირად -  სტუდენტი, რომელიც ერთიან ეროვნულ გამოცდებში მოიპოვებს 100%-იან გრანტს, სტიპენდიის სახით ერთჯერადად ჩაერიცხება 1000 ლარი, 70%-ის შემთხვევაში - 700 ლარი, ხოლო 50%-ის შემთხვევაში - 500 ლარი.

მოსწავლეს, რომელსაც მიენიჭება ოქროს მედალოსნის სტატუსი, წლის განმავლობაში ერთხელ სტიპენდიის სახით ჩაერიცხება 500 ლარი, ხოლო ვერცხლის მედალოსანს 400 ლარი.“