Tripadvisor-ის მომხმარებლების გამოხმაურების საფუძველზე, ქუჩის კვების მსოფლიო დედაქალაქად პარიზი დასახელდა.
Express-ის ცნობით, კვლევის მიხედვით, საფრანგეთის დედაქალაქში ქუჩის კვების ობიექტების 76%-მა ოთხი ვარსკვლავი მიიღო. კრეპები პარიზში ყველაზე პოპულარულ ქუჩის საკვებად იქნა აღიარებული - ადგილობრივმა La Creperie-მ ქალაქის ქუჩის კვების ობიექტებს შორის პირველი ადგილი დაიკავა.
სიაში მეორე ადგილზე ათენია, სადაც განსაკუთრებით რეკომენდებულია სუვლაკის მადა, კურუს ყველის ღვეზელები და ზღვის პროდუქტები. საბერძნეთის დედაქალაქი ასევე ცნობილია ტკბილეულით, რომელთა შორის გამორჩეულ ადგილს ლუკუმადები, შემწვარი ბერძნული დონატის ნაირსახეობა იკავებს.
სიაში რომი მესამე ადგილზეა. იქ პიცა ტურისტების ყველაზე პოპულარული ქუჩის საკვები გახდა. იტალიის დედაქალაქში პოპულარულია ასევე მაკარონი და შემწვარი ვირთევზას ფილე. დესერტად შეგიძლიათ ჯელატოს ნაყინი ან დაშაქრული წაბლი დააგემოვნოთ.
ტოპ 10 ქალაქი ქუჩის კვების მოყვარულთათვის:
1. პარიზი (საფრანგეთი).
2. ათენი (საბერძნეთი).
3. რომი (იტალია).
4. ბარსელონა (ესპანეთი).
5. ბუდაპეშტი (უნგრეთი).
6. ლონდონი (ინგლისი).
7. დუბაი (UAE).
8. ლისაბონი (პორტუგალია).
9. მადრიდი (ესპანეთი).
10. ამსტერდამი (ჰოლანდია).