შპს „საქართველოს აეროპორტების გაერთიანება“ ქუთაისის აეროპორტის პარკინგის მოსაწყობად 3.5 მლნ ლარის ღირებულების ელექტრონულ ტენდერს აცხადებს.

ტენდერში წინადადებების მიღება 9 მარტს დაიწყო და 14 მარტს (14:00 საათზე) დასრულდება.

ტენდერის მიხედვით, კანდიდატს შემდეგი სამუშაო ექნება შესასრულებელი:

ახალი პარკინგი, რაც მოიცავს პარკინგების, საავტომობილო გზების და საფეხმავლო ბილიკების დაპროექტება მოწყობას, სანიაღვრე კანალიზაციის დაპროექტება მშენებლობას, ელექტრო სანათი ბოძების მონტაჟს, საჭირო ელექტრო ქსელის დაპროექტება მშენებლობას და დეკორატიული ღობის (არსებულის ანალოგიური) მოწყობას.

შესრულებული სამუშაოების საგარანტიო ვადა:

- ასფალტის საფარი - არანაკლებ 10 წელი;

- მსუბუქი კონსტრუქციები - არანაკლებ 5 წელი;

- ელექტრო კაბელები და ელ მოწყობილობა ყველა სახის - არანაკლებ 2 წელი;

- სუსტი დენები - არანაკლებ 2 წელი;

- მარკირება - არანაკლებ 2 წელი;

- სანიაღვრე -არანაკლებ 5 წელი;

- სანათები - არანაკლებ 2 წელი.

ტექნიკური მოთხოვნების მიხედვით, პრეტენდენტს 2018 წლიდან ტენდერის გახსნის დღემდე პერიოდში შესრულებული უნდა ჰქონდეს არანკლებ 5 საგზაო ინფრასტრუქტურული ობიექტი, თითოეული არანაკლებ 15000 კვ.მ ფართის;

- პრეტენდენტს 2018 წლიდან  ტენდერის გახსნის დღემდე პერიოდში შესრულებული უნდა ჰქონდეს არანაკლებ ხუთი საგზაო ინფრასტრუქტურის მოწყობის საპროექტო მომსახურება, აქედან ერთ-ერთი უნდა მოიცავდეს არანაკლებ 500 ადგილიანი ავტოსადგომის პროექტირებას;

- პრეტენდენტის სამშენებლო სამუშაოების ბრუნვა 2018 წლიდან წინამდებარე ტენდერის გახსნის დღემდე პერიოდში უნდა შეადგენდეს ჯამურად არანაკლებ 61 000 000 ლარს დღგ-ს ჩათვლით.