ჯანდაცვის მსოფლიო ორგანიზაციის მიმართ ბრალდებებია იმის თაობაზე, რომ ისინი ჩინეთის სასარგებლოდ იღებდნენ გადაწყვეტილებებს, ხელს უწყობდნენ ჩინეთს ვირუსზე ინფორმაციის დამალვის კუთხით. ამ მხრივ ყველაზე მეტად აშშ-ის პრეზიდენტი, დონალდ ტრამპი აქტიურობს.
ტრამპის თქმით, ბევრმა ქვეყანამ გაითვალისწინა, ჯანდაცვის მსოფლიო ორგანიზაციის რჩევები და მათ ახლა ისეთი პრობლემები აქვთ, რომელიც დაუჯერებელია. ტრამპმა აღნიშნა, რომ ჯანმო-მ ვერ შეასრულა თავის მოვალეობა.
შედეგად, ტრამპის განცხადებით, ჯანდაცვის მსოფლიო ორგანიზაციას შეუჩერდება დაფინანსება იქამდე, სანამ არ შეისწავლიან ჯანმო-ს როლს პანდემიის არასწორად მართვასა და კორონავირუსის გავრცელების შესახებ ინფორმაციის დამალვაში.
თავის მხრივ, ჯანმოს ხელმძღვანელი, ტედროს ადანომ გებრეისუსი წუხილს გამოთქვამს, აშშ-ის პრეზიდენტის დონალდ ტრამპის გადაწყვეტილების გამო, რომლის თანახმადაც ორგანიზაციას დაფინანსება შეუწყდა. თუმცა აქვე, ტედროს ადჰანომ გებრეიესუსი მსოფლიოს კორონავირუსის პანდემიასთან ბრძოლაში ერთიანობისკენ მოუწოდებს.
მისივე თქმით, ჯანდაცვის მსოფლიო ორგანიზაცია ჯერ კიდევ აფასებს შედეგებს და ნებისმიერი ხარვეზის გამოსწორებას პარტნიორებთან ერთად შეეცდება.
“ბანკები და ფინანსები” გთავაზობთ იმ ქვეყნების ჩამონათვალს, რომლებიც ყველაზე დიდი ფინანსური კონტრიბუტორები არიან ჯანმრთელობის მსოფლიო ორგანიზაციისთვის.
ყველაზე მსხვილი ფინანსური კონტრიბუტორი, ჯანდაცვის მსოფლიო ორგანიზაციისთვს შეერთებული შტატებია, რომელსაც ჩინეთის მოსდევს უკან. მესამე ადგილზე იაპონიაა, ხოლო მეოთხეზე გერმანია.
გაზეთი „ბანკები და ფინანსები“