მაღალი გადასახადი სახელმწიფოს კონკურენტუნარიანობას სხვა ქვეყნებთან მიმართებაში ამცირებს, შესაბამისად მიიჩნევა, რომ რაც უფრო დაბალია გადასახადი, მოქალაქეებისთვის ესა თუ ის ქვეყანა საცხოვრებლად უფრო მეტად მიმზიდველია.

გაგაცნობთ მსოფლიოს რამდენიმე ქვეყანას სადაც ნულოვანი საგადასახადო პოლიტიკაა:

ბაჰამის კუნძულები. აქ საშემოსავლო გადასახადისგან გათავისუფლებით სარგებლობა დამოკიდებულია რეზიდენტობაზე და არა მოქალაქეობის მიღებაზე, რაც კიდევ უფრო ამარტივებს, აქ ცხოვრებისა და ბიზნესის დაწყების შესაძლებლობას. ამ პირობების გათვალისწინებით, ბოლო პერიოდის განმავლობაში ის მუდმივად იზიდავს, მილიონერებსა თუ მილიარდერებს, რომლებიც კომპანიებს ბაჰამის კუნძულებზე არეგისტრირებენ და თავიანთი კაპიტალი სწორედ აქ გადააქვთ. 

ბაჰრეინი. ბრიტანეთის ყოფილი პროტექტორატი არქიპელაგი გამოირჩევა მრავალფეროვანი ეკონომიკით. ის ერთ-ერთი პირველია სპარსეთის ყურეში, რომელმაც ნავთობი საკუთარ მიწაზე აღმოაჩინა და ამ აღმოჩენამ შესაძლებლობა მისცა, მსოფლიოში ერთ-ერთი უმდიდრესი ქვეყანა გამხდარიყო. ნულოვანი საგადასახადო პოლიტიკაა იმის მიზეზი, რომ ბაჰრეინი როგორც გამოცდილი, ასევე დამწყები ბიზნესმენებისთვის მუდმივად მიმზიდველია. თუმცა, ამის პარალელურად გასათვალისწინებელია, რომ ბაჰრეინში მუდმივი ცხოვრების უფლების მისაღებად საჭიროა პენსიაზე გასვლა, 135 000 დოლარის ინვესტიცია ქონებაში ან 270 000 დოლარის ინვესტიცია ბაჰრეინულ კომპანიაში.

ბრუნეი. მალაიზიის კუნძულ ამ პატარა სულთანატს საკმარისი ნავთობის სიმდიდრე აქვს საშემოსავლო გადასახადისგან თავის დასაღწევად. თუმცა, ბრუნეიში ცხოვრება ძალიან რთულია, რადგან დიქტატორი მთავრობა და ადგილობრივი კანონები ყველას შიშის ზარს სცემს. მუდმივი საცხოვრებელი და მოქალაქეობის მიღება აქ ფაქტობრივად გამორიცხულია.

კაიმანის კუნძულები. ულამაზესი პლაჟები იზიდავს საკმარის ტურისტებს იმისთვის, რომ მთავრობამ ნულოვანი საგადასახადო პოლიტიკა შეინარჩუნოს. თუმცა, თუ გსურთ იქ გრძელვადიანად ცხოვრება, მოგიწევთ წელიწადში 145 000 დოლარის გამომუშავება და მინიმუმ 600 000 დოლარის ინვესტიცია უძრავ ქონებაში ან ადგილობრივ კომპანიებში. ამ ყველაფერის შემდეგ, კიდევ 8 წელია საჭირო, რომ კაიმანის კუნძულებზე მუდმივი ბინადრობის უფლება მიიღოთ. 

არაბთა გაერთიანებული საამიროები. აქ მსოფლიოს მოწინავე ეკონომიკაა, ნულოვანი საგადასახადო პოლიტიკის გამო. ნავთობით მდიდარ ქვეყანაში ცხოვრებისა და საქმიანობის დაწყება ძალიან მარტივია, სწორედ ამიტომ ბოლო პერიოდში ის მილიონერების ერთგვარ სამოთხედ იქცა. მხოლოდ 2022 წელს საამიროებმა 4000-ზე მეტი მილიონერი მიიზიდა და როგორც ანალიტიკოსები პროგნოზირებენ, უმდიდრესი ადამიანების რაოდენობა არაბულ სამყაროში მომდევნო წლებში კიდევ უფრო გაიზრდება.

მონაკო. ეს ქრის ქვეყანა სადაც მოქალაქეები საერთოდ არ იხდიან საშემოსავლო გადასახადს, ხოლო ბიზნესისთვის გადასახადი მინიმალურია, რის გამოც ქვეყანას მეორენაირად საგადასახადო თავშესაფრადაც მოიხსენიებენ. გარდა საგადასახადო პოლიტიკისა, ქვეყნის მიმზიდველობას ძლიერი ეკონომიკა, გამართული პოლიტიკური სისტემა და დანაშაულის დაბალი დონე განაპირობებს. თუმცა, იქ ლეგალური ბინადრობის ნებართვის მიღება სამ თვეზე ნაკლებ დროშია შესაძლებელი, მაგრამ ამისთვის მონაკოს ბანკში მინიმუმ 500 000 ევროს დეპოზიტის გახსნაა საჭირო.