2021 წლის ბოლომდე საქართველოს დაცული ტერიტორიების ფართობი კიდევ 102 654 ჰა-ით გაიზრდება და საერთო ჯამში 900 876 ჰა-ს შეადგენს.
როგორც „ბიზნესპარტნიორს“ დაცული ტერიტორიების სააგენტოში განუცხადეს, 2021 წელს ძალაში შევიდა კანონპროექტი, რომლის მიხედვითაც ჯავახეთის დაცულ ტერიტორიებს დაემატა 3 აღკვეთილი და საერთო ჯამში გაფართოვდა 4 871 ჰა-ით:
ფარავნის ტბის აღკვეთილი
საღამოს ტბის აღკვეთილი
აბულის ტბის აღკვეთილი
2021 წელს გრძელდება მუშაობა ახალი დაცული ტერიტორიების შექმნაზე. დაგეგმილია 5 ახალი დაცული ტერიტორიის დაარსება (სულ 102 654 ჰა), რომელთა შესახებაც მომზადებულია კანონპროექტი. ესენია:
რაჭის ეროვნული პარკი - 52 191 ჰა
შიდა ქართლის დაცული ტერიტორიები - 46 515 ჰა
რიონის დაცული ტერიტორიები - 598 ჰა
კოლხეთის ეროვნული პარკის გაფართოება - 650 ჰა
ხვამლის აღკვეთილის დაარსება - 2 700 ჰა
მიმდინარეობს საჭირო საბაზისო კვლევები კიდევ 3 დაცული ტერიტორიის დაარსებისთვის:
სამეგრელოს დაცული ტერიტორიები - 70 951 ჰა
გურიის ეროვნული პარკი - 32 239 ჰა
სვანეთის დაცული ტერიტორიები - 88 562 ჰა
მომავალი 5 წლის განმავლობაში სულ დაგეგმილია 8 ახალი დაცული ტერიტორიის დაარსება. საერთო ჯამში დაცული ტერიტორიების ფართობი გაიზრდება დაახლოებით 294 411 ჰექტრით, 15,6 %-მდე, რაც ნიშნავს, რომ დაცული ტერიტორიების ფართობთან მიმართებაში გაიზრდება 27%-ით, ხოლო ქვეყნის ფართობთან მიმართებაში 4,22%-ით.
2020 წელს დაცული ტერიტორიების ფართობი რეკორდულად 122 374 ჰა-ით გაიზარდა და დღეისათვის შეადგენს 793 351 ჰა–ს, რაც ქვეყნის ტერიტორიის 11.38%-ია.
business-partner.ge