2023 წლის იანვარ-თებერვალში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა 236.8 მლნ. აშშ დოლარით, რაც მთელი ექსპორტის 25.9 პროცენტს შეადგენს. მეორე ადგილს იკავებს სპილენძის მადნები და კონცენტრატები 143.4 მლნ. აშშ დოლარით (მთლიანი ექსპორტის 15.7 პროცენტი), ხოლო მესამე ადგილზეა ფეროშენადნობები 71.7 მლნ. აშშ დოლარით (7.8 პროცენტი)
იანვარ-თებერვალში უმსხვილესი საექსპორტო სასაქონლო ჯგუფებია
მსუბუქი ავტომობილები 25.9%
სპილენძის მადნები და კონცენტრატები 15.7%
ფეროშენადნობები 7.8%
ყურძნის ნატურალური ღვინოები 3.8%
სპირტიანი სასმელები 2.6%
აზოტოვანი სასუქები 2.3%
ავტომობილები, განკუთვნილი 10 კაცის ან მეტის გადასაყვანად, მძღოლის ჩათვლით 2.2%
ოქრო დაუმუშავებელი ან ნახევრადდამუშავებული, ან ფხვნილის სახით 1.8%
თხილი და სხვა კაკალი 1.8%
სიგარები, სიგარილები და სიგარეტები თამბაქოს ან მისი შემცვლელებისაგან 1.8%
დანარჩენი საქონელი – სულ 34.4%
2023 წლის იანვარ-თებერვალში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 81.5 პროცენტი შეადგინა. უმსხვილესი საექსპორტო სამეული შემდეგნაირად ჩამოყალიბდა: სომხეთი (133.1 მლნ. აშშ დოლარი), რუსეთი (128.2 მლნ. აშშ დოლარი) და ჩინეთი (112.4 მლნ. აშშ დოლარი).