მოსკოვის საარბიტრაჟო სასამართლომ მომღერალ ვალერი მელაძის სავაჭრო ცენტრ „ვანტაჟს“ ადმინისტრაციული მუხლის დარღვევა აპატია.

კერძოდ, საკითხი ეხება მერიასთან გაფორმებული ხელშეკრულების დარღვევას და ადმინისტრაციული მუხლით აღძრულ საქმეს. სასამართლომ მელაძის მხრიდან  დარღვევა ბათილად ცნო და აპატია.

ამის შესახებ telegram არხი Mash იტყობინება.

რუსული მედია რამდენიმე თვის უკან წერდა, რომ მელაძეს შესაძლოა მოსკოვში, ვოსტოჩნი ბირიულიოვოს სავაჭრო ცენტრი ჩამოერთმეოდა.

როგორც ცნობილია, მომღერალი 13 წელია სავაჭრო ცენტრის „ვანტაჟის“ (Вантаж) მფლობელია. მელაძე მიწას მერიიდან ქირაობს, რომელიც პირობებს ამოწმებს.

2021 წელს ინსპექტორმა სავაჭრო ცენტრის შენობაში აღმოაჩინა: ავტოსკოლა, ტანსაცმლისა და ფეხსაცმლის შეკეთება, ასევე ლომბარდი. გამოვლენილი პუნქტები არღვევდა მელაძისა და ქალაქის ხელისუფლებას შორის არსებულ შეთანხმებას.

შესაბამისად მომღერლის წინააღმდეგ ადმინისტრაციული საქმე აღიძრა. რუსული მედია ადრე წერდა, რომ სავაჭრო ცენტრისთვის ჯარიმების დაკისრების შემთხვევაში მუსიკოსი დაკარგავდა წლიურ შემოსავალს, დაახლოებით 15 მილიონ რუბლს.

საბოლოოდ მელაძის მიმართ ყველა პრეტენზია მოიხსნა და მას შენობაში ნებისმიერი ბიზნესის გახსნის უფლება მიეცა. თუმცა სახელმწიფო ინსპექცია უკვე ცდილობს ამ გადაწყვეტილების გასაჩივრებას.