რა გავლენას ახდენს საქართველოში შემოსული რუსეთის მოქალაქეები უძრავი ქონების ბაზარზე და რა დინამიკაა უძრავი ქონების უცხოელებზე გაყიდვის და გაქირავების მიმართულებით, ამ და სხვა თემებზე  BMG TV - ის ეთერში „ნოუბლ რიალ ისთეითის“ დამფუძნებელმა ვაჟა მებაღიშვილმა ისაუბრა.   მისი თქმით, თუ შევხედავთ რუსების საქართველოში შემოსვლის დიაგრამას, დავინახავთ, რომ ე.წ. სპეცოპერაციის  გამოცხადებისას საქართველოში შემოსული რუსების რაოდენობამ იმატა და იგივე მოხდა ნაწილობრივი მობილიზაციის გამოცხადების  დროსაც.

„აქედან გამომდინარე მგონია, საკანონმდებლო დონეზე არსებულ სისუსტეებს უნდა გავუსვათ ხაზი და რაც გვიჭირს იმაზე გავაკეთოთ აქცენტი, რადგან ჩვენ საფრთხის წინაშე ვდგებით ყველა შემთხვევაში, იქნება ეს სხვა მეზობელი ქვეყანა თუ რუსეთი.

13 სექტემბერს, sep- მა ( უძრავი ქონების მიმართულებით ევროპის პროფესიონალთა ასოციაციამ ) და UIPI ( მესაკუთრეთა ასოციაციამ) სკვოთინგის გამო სახელმწიფო სტრუქტურებთან შეხვედრა მოითხოვეს, სადაც სწორედ კანონმდებლობის ცვლილებაზე იყო საუბარი. სკვოთინგი ნიშნავს ტერიტორიაზე უნებართვოდ შეჭრას და მიწის დაპყრობას, ეს საკითხი ესპანეთშიც საკმაოდ მწვავედ დგას. შესაბამისად, ისინი იყვნენ კანონმდებლობაში ცვლილების შეტანის ინიციატორები. ჩვენი ასოციაციაც მზად არის იმისთვის, რომ სახელმწიფოსთან მოხდეს კოორდინაცია“, - აღნიშნა ვაჟა მებაღიშვილმა.

მებაღიშვილის თქმით, ზაფხულიდან მოყოლებული აქტიურად ხდებოდა შემთხვევები, რომ პირები უძრავი ქონებიდან არ გამოდიოდნენ და იურისტების გამოსახლების პროცესში  ჩართვა უწევდათ.

„რა თქმა უნდა გამოსახლების მიმართულებითაც არსებობს  გარკვეული რისკები, საქართველოში იყო პოლიციური გამოსახლების პრაქტიკა, რაც  დღეს აღარ არის, იურისტებმაც არაერთხელ აღნიშნეს, რომ  პოლიციური გამოსახლება ძალიან სარგებლიანი კანონია და თუ მოქმედება კარგი იქნება, რადგან ეს ძალიან დაეხმარება მესაკუთრეებს.

ჩვენი კომპანიის  სეგმენტი ძირითადად დიპლომატიური კორპუსი და საერთაშორისო ორგანიზაციებია. მაგრამ როდესაც დგება რისკების აწონვის მომენტი, ასე ხსნიან, რომ ეს არის ბიზნესი და მოიცავს რისკებს, მაგრამ როდესაც რისკის ქვეშ დგას ქონება, მინა ჩვენი მესაკუთრეები გავაფრთხილო, რომ თუ ქონებას ვუყურებთ ისე, როგორც ბიზნესს, გასაგებია, რომ ძალიან კარგი წინადადება მისასალმებელია, მაგრამ მთავარი მომენტია რომ ხელშეკრულება გაფორმდეს. არ შეიძლება, რომ შენ საკუთრებაში ვინმე  ზეპირი შეთანხმებით შეუშვა“, - აღნიშნა ვაჟა მებაღიშვილმა.

მებაღიშვილმა ასევე აღნიშნა, რომ რუსეთის მოქალაქეები აქტიურად ეძებენ მიწებს რეგიონებშიც,  შემოდიან საქართველოში გრძელვადიანად. მან ასევე თქვა, რომ აღნიშნული მდგომარეობიდან გამომდინარე ბინების ფასიც  წინა წელთან შედარებით საგრძნობლად გაზრდილია. 

„სიტუაცია არის ასეთი, უკვე ითხოვენ მიწებს რეგიონებში, კიდევ კარგი, რომ კანონი არასასოფლო მიწის წესზე უკვე არსებობს,  რაც  გულისხმობს იმას , რომ უცხო ქვეყნის მოქალაქისთვის სასოფლო-სამეურნეო მიწის  მიყიდვა არ შეიძლება, უკვე უნდათ მიწები ქალაქთან ახლოს, სახლების აშენება  სურთ ქალაქთან ახლოს, რეგიონებზეც მოდის მოთხოვნა, მაგალითად ეძებენ მიწებს  თელავში. მობილიზაციის

შემდეგ რა სეგმენტიც  წამოვიდა , 700-1200 დოლარებში ეძებენ უძრავ ქონებას. ძირითადად გრძელვადიანად ითხოვენ, 7-8-9 თვით ან ერთი წლით. ისინი ამ პერიოდს ეძახიან გრძელვადიანს და აღნიშნავენ რომ დააკვირდებიან რუსეთში მიმდინარე სიტუაციას. ამბობენ რომ დროებით არიან ჩამოსულები, მაგრამ ამავდროულად  ჩვენ  ვხედავთ, რომ ცდილობენ ენის შესწავლას და ეს ეს იწვევს განცდას, რომ დარჩენას აპირებენ.

რაც შეეხება ფასის ცვლილებას, ჩვენ თუ  შევხედავთ  TBC Capital ის  კვლევას იქ  გვეუბნებიან, რომ  წინა წელთან  შედარებით  80%  - ით არის გაზრდილი და შესაბამისად ამ კუთხით მე მათ ვეთანხმები, ძალიან სწრაფად მოდა შოკური მდგომარეობით ფასის  გაზრდა,  შედეგ ისევ  დასტაბილურდა. ამ ყველაფრის დასალაგებლად ყველაფერი საკანონმდებლო დონეზე უნდა მოწესრიგდეს“, -  აღნიშნა ვაჟა მებაღიშვილმა.