მკვეთრად გაზრდილი ინფლაციის ფონზე, აშშ-ის ფედერალურმა რეზერვმა მონეტარული პოლიტიკა გაამკაცრა. FED-ის კომიტეტის გადაწყვეტილებით, ქვეყანაში რეფინანსირების განაკვეთი დამატებით 75 საბაზო პუნქტით (0.75%) გაიზარდა. გამკაცრების შედეგად, ფედერალური რეზერვის ძირითადი განაკვეთები 3.75-4.0%-ის ფარგლებში განისაზღვრა, რაც ამერიკული სტანდარტებით უჩვეულოდ მაღალი მაჩვენებელია.

მონეტარული პოლიტიკის აგრესიულად გამკაცრების და რეფინანსირების განაკვეთის 75 საბაზო პუნქტით (+0.75%) გაზრდის გადაწყვეტილება მიიღო ინგლისის ცენტრალურმა ბანკმაც. რიგით მერვე გამკაცრების შედეგად, გაერთიანებულ სამეფოში რეფინანსირების განაკვეთმა 3%-იან ნიშნულს მიაღწია, რაც გასული 33 წლის უმაღლესი მაჩვენებელია.

რა გავლენას ახდენს Fed-ს გადაწყვეტილება მსოფლიოზე და კრიპტოვალუტაზე, ამ ტემაზე „კრიპტო ბაზრის“ დამფუძნებელმა ავთანდილ კუჭავამ გადაცმაში „ბიზნესპარტნიორი“ ისაუბრა.

„Fed-ის მიერ საპროცენტო განაკვეთის გაზრდა ინვესტორებისთვის მოსალოდნელი იყო, თუმცა შემდეგ რაც აღნიშნა ფედერალური რეზერვების თავმჯდომარემ ეს იყო საინტერესო. მისი ნათქვამი ნიშნავდა, რომ უახლოეს მომავალში არ შეწყვეტდნენ ამ განაკვეთის გაზრდას, რაც ნიშნავს იმას, რომ სხვა ქვეყნებს მოუწევთ კვალდაკვალ გაყვნენ ფედერალური რეზერვის გადაწყვეტილებას. ეს ყველაფერი კი უძვირებს კრედიტს ინსტიტუციებს, შესაბამისად იზრდება უმუშევრობის დონე, რადგან ესენი ერთმანეთთან არიან გადაჯაჭვული. თუ უმუშევრობის დონე არ გაიზარდა, არ შეწყდება საპროცენტო განაკვეთის გაზრდა, თუ საპროცენტო განაკვეთის გაზრდა შეწყდა ვერ დაასტაბილურებენ ინფლაციას და უმუშევრობის დონეც გააგრძელებს ზრდას.

მათი მთავარი მიზანი არის, რომ 2%-მდე დაიყვანონ ინფლაცია, ეს სისტემა ასე მუშაობს რომ თუ უმუშევრობის დონეს გაზრდი, ინფლაციას დაარეგულირებ. თუმცა ამ პერიოდის განმავლობაში იმ ქვეყნებს სადაც იპოთეკური კრედიტები ძალიან გავრცელებულია, ასეთ ქვეყნებს ყველაზე დიდი პრობლემები ექმნებათ, ესეთია ბრიტანეთი, კანადა და ავსტრალია. ბრიტანეთს აქვს ყველაზე დიდი პრობლემა და ფინანსური კრიზისი საფრთხის ქვეშ დგას, შემდეგი 2 თვის განმავლობაში თუ ბრიტანეთმა საპროცენტო განაკვეთის გაზრდა ისევ გააგრძელა იგივე მოხდება რაც 2008 წელს, ბევრს მოუწევს სახლის გარეშე დარჩენა, ეს გარდაუვალია და ბრიტანეთს სხვა არჩევანი არ აქვს.

რაც შეეხება კრიპტო ბაზარს, დიდი ვარდნა იქნება და შეიძლება ვთქვათ რომ ეს დასასრულის დასაწყისია. საპროცენტო განაკვეთი გაიზრდება თუ არა კრიპტო ვალუტების ფასი ქვემოთ წამოვა“, — ამბობს ავთანდილ კუჭავა.