ჯერ პანდემიამ, შემდეგ კი რუსეთ-უკრაინის ომმა უძრავი ქონების ბაზარზე დიდი რყევები გამოიწვია. პანდემიის პირველ ეტაპზე შეიძლება ითქვას, რომ ეს სფერო თითქმის გაჩერდა, თუმცა ვირუსული ვითარების დასტაბილურებასთან ერთად ძალიან ნელა, მაგრამ მაინც დაიწყო ამოძრავება. ის ის იყო, რომ მაჩვენებლები დაუბრუნდა პანდემიამდელ ნიშნულს, მეტიც, რიგ შემთხვევებში გაასწრო კიდევ, დაიწყო რუსეთ - უკრაინის ომი, რომელმაც არა მარტო ამ ბიზნესზე, ზოგადად მსოფლიო ეკონომიკაზე დიდი გავლენა იქონია.

ომისა თუ სანქციების შედგებით დაზარალებული თუ გაწბილებული მოსახლეობა თავშესაფრის საძებნელად სხვადასხვა ქვეყანაში გადავიდა საცხოვრებლად, ერთ-ერთი ასეთი ხელსაყრელი ქვეყანა საქართველო აღმოჩნდა, სადაც ათასობით რუსი თუ უკრაინელია შემოსული და ცდილობს, დაიწყოს ახალი ცხოვრება. 

უცხოელების უძრავი ქონებით დაინტერესებამ, ბუნებრივია იმოქმედა ფასებზე, მოთხოვნა ბინებზე ყოველთვის მაღალი იყო, მაგრამ ახლა გაორმაგებულია. 

ფასების ზრდა არამარტო მოთხოვნამ, არამედ სამშენებლო მასალების გაძვირებამაც გამოიწვია, შესაბამისად დეველოპერებსაც უწევთ  შედარებით მაღალი ღირებულებით გაყიდოთ ბინები. 

ძირითადად ბინის ფასს უბანი, შენობის სტატუსი და ფართი განსაზღვრავს, მაგრამ გადამწყვეტი მაინც ადგილმდებარეობაა.

პირობითად ვაკე ყველაზე პრესტიჟული უბანია და გასაკვირი არაა, რომ საკმაოდ მაღალი ფასი ჰქონდეს ბინებს. ვაკეში ახალაშენებულ კორპუსებში კვადრატული მეტრის ფასი 4000 – 7000 ლარში მერყეობს, ძველ აშენებულ სახლებში, ღირებულება ცოტა დაბალი - 2500 – 3500 ლარია.

არანაკლებ პრესტიჟული უბანია მრავალფეროვანი არქიტექტურით გამორჩეული საბურთალო, სადაც შეხვდებით როგორც გასული საუკუნის შენობებს, ასევე თანამედროვე საცხოვრებელ კომპლექსებს. ეს უბანი იძლევა საშუალებას, რომ იცხოვრო ქალაქის ცენტრში, მაგრამ ამავდროულად შეარჩიო ისეთი ადგილი, სადაც იქნება მეტი სიმწვანე, კარგი ხედები და სიმშვიდე. მაგალითად, ერთ-ერთი ასეთი გამორჩეული კომპლექსია აპექს ლისი, რომელსაც თან ახლავს 3000 კვადრატულ მეტრზე გაშენებული ეზო, პანორამული ხედები თბილისზე , 24 საათიანი დაცვის სისტემა, საბავშვო მოედანი, ანუ ესა შესაძლებლობა იმისა, რომ სახლში მისული განიტვირთო ბუნებასთან სიახლოვით და ამავდროულად იყო ქალაქის ცენტრში. ლისზე ბინების ფასი კვადრატულ მეტრზე  2500 – 5000 ლარის ფარგლებში მერყეობს. ამ საფასო კატეგორიაში ჯდება აპექს ლისის ოთხივე ბლოკში არსებული ბინების ღირებულებაც. 

ორთაჭალა მაინცდამაინც მოთხოვნადი უბნების რიგებში არ იყო, თუმცა ბოლო პერიოდში აშკარად შეიცვალა ვითარება და მიდგომა მის მიმართ. თბილისის ძველი უბანი უფრო სასურველი გახდა უძრავი ქონების მაძიებლებისთვის და შესაბამისად საცხოვრებლის ძიებაც ამ ლოკაციაზე აქტიურად დაიწყეს. ორთაჭალაში ბინების ფასები  2900 – 3900 ლარის ფარგლებში მერყეობს. 

თბილისი ნამდვილად მდიდარია მრავალფეროვანი საცხოვრებელი სახლებით და ნამდვილად მოიძებნება აქ ბინა ყველანაირი გემოვნების ადამიანისთვის, როგორც სიმშვიდისა და სიმწვანის მოყვარულთათვის, ასევე ბოჰემურად მცხოვრებთათვის, ვისთვისაც, ქალაქის ცენტრი ცხოვრება განსაკუთრებული მნიშვნელობისაა.  

(R)