ახალი წელი ახლოვდება და ქვეყანაში როგორც წესი განთავსების ობიექტებში და ასევე შესაბამის პროდუქტებზე ფასები იზრდება. „კომერსანტი“ დაინტერესდა, საქართველოში, რომელ სასტუმროშია ყველაზე ძვირი ახალი წლის ღამეს, ანუ 31 დეკემბერს ღამისთევა. როგორც booking.com-ზე გამოქვეყნებული შეთავაზებებიდან ირკვევა, 31 დეკემბერი-1 იანვრის ღამეს ყველაზე ძვირი ღამისთევა თბილისში სასტუმრო Hotel Tbilisi Tower-შია, სადაც 2 პერსონაზე ღამისთევა 4 455 ლარი ღირს და როგორც საიტი იტყობინება ამ საფასო სეგმენტში დარჩენილია 1 სასტუმრო ნომერი.
მეორე ადგილზეა ყვარელში მდებარე სასტუმრო Tsinandali Estate, A Radisson Collection Hotel-ი, სადაც ახალი წლის ღამეს სასტუმროში ღამისთევა 3 127 ლარი ღირს. მესამე ადგილზეა, ასევე კახეთში მდებარე სასტუმრო Lopota Lake Resort & Spa, სადაც ახალ წელს ღამისთევა ერთ ნომერში 2 სტუმარზე 2 790 ლარია.
რაც შეეხება ზოგადად ქვეყნის შიგნით ტურისტულ და ახალი წლისთვის პოპულარულ მიმართულებებს სასტუმროებში ყველაზე ძვირი ღამისთევით TOP-3 სასტუმროს რეიტინგი (ფასები მოცემულია 1 სასტუმრო ნომერში 2 სტუმარზე) ასე გამოიყურება:
ბათუმი
- Divan Suites Batumi - 2 300 ლარი
- Radisson Blu Hotel Batumi - 885 ლარი
- Luxury Sea View Apartments In Orbi City - 830 ლარი
თბილისი
- Hotel Tbilisi Tower - 4 455 ლარი
- The Biltmore Tbilisi Hotel - 1 600 ლარი
- Stamba Hotel - 1 137 ლარი
კახეთი
- Tsinandali Estate, A Radisson Collection Hotel - 3 127 ლარი
- Lopota Lake Resort & Spa - 2 790 ლარი
- Park Hotel Tsinandali Estate - 991 ლარი