თურქული ელექტრომობილის TOGG-ის ფასი ცნობილი გახდა. C სეგმენტის SUV მოდელის სახელი გამოცხადდა როგორც 'T10X'. როგორც TRT წერს, სტანდარტული მანძილის მქონე ავტომობილის ფასი 953 ათასი ლირაა. წინასწარი შეკვეთის პროცესი 16 მარტს დაიწყება. TOGG-ის პირველი მფლობელები კენჭისყრით გამოვლინდება.

V1 აღჭურვილობის სტანდარტული მანძილის მქონე მოდელის ფასი 953 ათასი ლირაა. იგივე მანძილის V2 აღჭურვილობის ვარიანტის ფასი 1 მილიონ 55 ათასი ლირაა. V2 აღჭურვილობის გრძელი მანძილის ბატარიის მქონე ვარიანტი გაყიდვაში 1 მილიონ 215 ათას ლირით გამოვა.

სტანდარტული მანძილის ვარიანტს შეუძლია 314 კილომეტრის გავლა. მეორე ვარიანტი მომხმარებლებს სთავაზობს 523 კილომეტრის დისტანციას.

შეგახსენებთ, რომ პირველი თურქული ელექტრო ავტომობილის TOGG-ის სერიული წარმოება, გასული წლის 29 ოქტომბერს დაიწყო. მიმდინარე წლის ბოლომდე, 20 ათასი ავტომობილის წარმოებაა მიზნად დასახული, 2030 წლისთვის კი 1 მილიონი.