საქართველოში სასტუმროების ფასების ინდექსი 2022 წლის სექტემბერში აგვისტოსთან შედარებით, 5.3%-ით შემცირდა, წლიურ ჭრილში კი 23%-ით გაიზარდა.
PMC-ის ანალიტიკური ინფორმაციის მიხედვით, საქართველოში სასტუმროების ფასების ინდექსი 2022 წლის სექტემბერში, 2022 წლის აგვისტოსთან შედარებით, 5.3%-ით შემცირდა, მათ შორის 3, 4 და 5 ვარსკვლავიანი სასტუმროების ფასების ინდექსი 5.8%-ით, ხოლო საოჯახო ტიპის სასტუმროების ფასები 4.3%-ით შემცირდა.
თვიური ინდექსი ყველაზე მაღალი შიდა ქართლში (20.5%) აღმოჩნდა, ყველაზე ნაკლები კი გურიასა (-30.6%) და აჭარაში (-19.5%).
2022 წლის სექტემბერში, 2021 წლის სექტემბერთან შედარებით, სასტუმროების ფასების ინდექსი 22.6%-ით გაიზარდა, მათ შორის 3, 4 და 5 ვარსკვლავიანი სასტუმროების ფასების ინდექსი 19.0%-ით, ხოლო საოჯახო ტიპის სასტუმროების ფასები 41.3%-ით გაიზარდა.
წლიური ინდექსი ყველაზე მაღალი იყო შიდა ქართლსა (28.4%) და აჭარაში (27.8%), ყველაზე ნაკლები კი მცხეთამთიანეთში (3.9%).
2022 წლის სექტემბერში, საქართველოში 3— ვარსკვლავიანი სასტუმროების საშუალო ფასმა 177 ლარი შეადგინა, ხოლო 4-ვარსკვლავიანი სასტუმროების საშუალო ფასმა - 287 ლარი. საოჯახო ტიპის სასტუმროების საშუალო ფასმა სექტემბერში 115 ლარი
შეადგინა.
5-ვარსკვლავიან სასტუმროთა საშუალო ფასმა სექტემბერში 440 ლარი შეადგინა. კახეთში ამ ტიპის სასტუმროებში, სტანდარტული 2-ადგილიანი ნომრის საშუალო ფასმა 580 ლარი შეადგინა, აჭარაში - 489 ლარი, გურიაში - 454, ხოლო თბილისში - 434.