საქართველოში ბევრ კომპანიას შეხვდებით, რომლებიც ბუღალტერიას ან საერთოდ არ აწარმოებენ, ან მხოლოდ ნაწილობრივ აღრიცხავენ სამეურნეო ოპერაციებს. ამ გარემოებას ის პრობლემაც ემატება ხოლმე, რომ კომპანიის ხელმძღვანელებს გააზრებული არ აქვთ სწორი ბუღალტრული აღრიცხვის მნიშვნელოვნება როგორც ფინანსური ანგარიშგების, ასევეგადასახადების დეკლარირების კუთხით. პროფესიონალებისთვის აბსოლუტურად გაუგებარია ასეთი სახის გულგრილობა ბუღალტერიის მიმართ -რატომ ჰგონიათ, რომ აღურიცხაობა ნაკლები რისკის მატარებელია? - მოგვითხრობს გიორგი ბალესიაშვილი - KUDOS GEORGIA-ს თანადამფუძნებელი.
რა რისკს შეიცავს სამეურნეო ოპერაციების აღურიცხველობა?
კომპანიაში ბიზნეს ოპერაციების აღურიცხაობამ შესაძლოა, ძალიან ბევრი გაურკვევლობა და განუსაზღვრელობა წარმოშვას, მაგალითისთვის:
• მენეჯმენტისთვის გაუგებარი ხდება კომპანიის ფინანსური მდგომარეობა და შესაბამისად, ვერც ადეკვატურ გადაწყვეტილებებს იღებს, რაც, ბუნებრივია, საბოლოო ანგარიშით კომპანიას დიდ პრობლემებამდე მიიყვანს;
• ჩვენი დაკვირვებით ბევრი კომპანიის დამფუძნებლებს შორის დაპირისპირების ერთ-ერთი მთავარი მიზეზი, სწორედ ბუღალტერიის არასწორი წარმოებაა. ბიზნეს ოპერაციების აღურიცხველობა ბადებს ეჭვებს და განუსაზღვრელს ხდის კომპანიის მდგომარეობას;
• ბანკის სესხზე ან სხვა დაფინანსებაზე ხელმისაწვდომობის ნაკლებობა. კომერციული ბანკები სესხის გაცემამდე დიდ მნიშვნელობას ანიჭებენ იმას, თუ რამდენად სწორად და სრულად არის ფინანსური ანგარიშგება მომზადებული, შეიცავს თუ არა ანგარიში არსებით შეცდომებს. იმ შემთხვევაში, თუ კომპანიას მოუწესრიგებელი აქვს სააღრიცხვო სისტემა, ძალიან გაუჭირდება ბანკიდან სესხის მიღება.
• საგადასახადო რისკები. სხვა რისკებთან ერთად უმნიშვნელოვანესია საგადასახადო რისკები. საქართველოს საგადასახადო კოდექსში ხაზგასმით არის აღნიშნული, რომ თუ პირს არ აქვს სააღრიცხვო დოკუმენტაცია ან სააღრიცხვო დოკუმენტაციით შეუძლებელია დაბეგვრის ობიექტის დადგენა, საგადასახადო ორგანოს უფლება აქვს, პირის საგადასახადო ვალდებულებები განსაზღვროს არაპირდაპირი მეთოდების გამოყენებით, რაც, ხშირ შემთხვევაში, გულისხმობს პირის შესახებ ინფორმაციის მისი საქმიანობის სხვა საგადასახადო პერიოდთან ან სხვა ამგვარი გადასახადის გადამხდელის შესახებ მონაცემების შედარების, აგრეთვე სხვა მსგავსი ინფორმაციის ანალიზის საფუძველზე.
პრაქტიკიდან გამომდინარე, საგადასახადო ორგანოს მიერ ამგვარად გამოანგარიშებული დაბეგვრის ობიექტი დიდ თანხებს უკავშირდება ხოლმე. აღსანიშნავია, რომ ასეთი სახით განსაზღვრული დაბეგვრის ობიექტის ფაქტები არცთუ ისე იშვიათია. დაინტერესებულ პირებს შეუძლიათ თვალი ადევნონ დავების განხილვის საბჭოს ვებ-გვერდზე გასაჯაროებულ ქეისებს.
არ დაგვავიწყდეს ის ფაქტიც, რომ ფირმისმიერ საგადასახადო დეკლარაციებში გადასახადის თანხის 100,000 ლარზე მეტით შემცირება მიიჩნევა გადასახადისგან თავის არიდებად და იწვევს პასუხისმგებლობას საქართველოს სისხლის სამართლის კანონმდებლობით დადგენილი წესით.
ერთი შეხედვით „მარტივმა ბუღალტერიამ“ შესაძლოა, კომპანია დეფოლტამდე მიიყვანოს - განმარტავს გიორგი ბალესიაშვილი.
KUDOS GEORGIA-ს შესახებ
ფინანსური მომსახურების კომპანია „ქუდოს ჯორჯია“ წარმოადგენს აუდიტისა და ბუღალტრული აღრიცხვის საერთაშორისო ქსელის Kudos International Network-ის წევრს. Kudos წარმოდგენილია მსოფლიოს 35-ზე მეტ ქვეყანაში.
„ქუდოსის“ ქსელიForum of Firms-ის წევრია. ფორუმის წევრობა შესაძლებელია მხოლოდ ისეთი ფირმების გაერთიანებებისთვის, რომელთაც დანერგეს გლობალურად კოორდინირებული შიდა ხარისხის უზრუნველყოფის გადახედვის პროგრამა, საქმიანობის პროცესში სრულფასოვნად იყენებენ აუდიტის საერთაშორისო სტანდარტებს და აკმაყოფილებენ სხვა შესაბამის ეთიკურ მოთხოვნებს.
„ქუდოს ჯორჯია“ პროფესიონალურ მომსახურებას სთავაზობს როგორც ქართულ, ასევე საერთაშორისო კომპანიებს.
(NS)