აშშ საქართველოსთვის ერთ-ერთი უმნიშვნელოვანესი სტრატეგიული პარტნიორია, რომელთანაც თავისუფალი ვაჭრობის ხელშეკრულებაზე მუშაობა უკვე წლებია მიმდინარეობს. თუმცა ვიდრე ორ ქვეყანას შორის სავაჭრო ურთიერთობები კიდევ უფრო გაღრმავდება, არსებულ მაჩვენებლებში ზრდის ტენდენციაა.
მიმდინარე წელს საქართველოსა და აშშ-ს საგარეო სავაჭრო ბრუნვამ 984 035.5 მლნ დოლარი შეადგინა, რაც გასული წლის ანალოგიური პერიოდის სავაჭრო ბრუნვასთან შედარებით 6.5%-ითაა გაზრდილი.
2022 წლის იანვარ-ოქტომბერში საქართველომ აშშ-ში 258,756.00 ათასი დოლარის ექსპორტი განახორციელა, ხოლო იმპორტმა 725,279.53 ათასი დოლარი შეადგინა.
სტატისტიკური მაჩვენებლების მიხედვით, 10 თვეში მთლიან ექსპორტში აშშ-ს წილი 5.7%-ია და ის საქართველოს უმსხვილესი სავაჭრო პარტნიორი ქვეყნების ტოპ-10-ში (ექსპორტის კუთხით) მეშვიდე პოზიციაზეა. 2022 წლის იანვარ-ოქტომბერში გასული წლის ანალოგიურ პერიოდთან შედარებით ექსპორტი 71.1%-ითაა გაზრდილი.
რაც შეეხება იმპორტს, არსებული სტატისტიკური მაჩვენებლები 37.6%-იან ზრდას აჩვენებს. აშშ იმპორტიორი ქვეყნების ტოპ-10-ში მეოთხე ადგილზეა. ქვეყნის წილი საქართველოს მთლიან იმპორტში 6.8%-ია.
რაც შეეხება აშშ-დან საიმპორტო საქონლის ტოპ-10-ეული ასე გამოიყურება:
1. მსუბუქი ავტომობილები - 648,480.00 ათასი დოლარი;
2. ხორცი და კვების სუბპროდუქტები შინაური ფრინველის, ახალი, გაცივებული ან გაყინული - 6,873.04 ათასი დოლარი;
3. ტანსაცმელი და ნაწარმი ნახმარი, სხვა - 4,576.40 ათასი დოლარი;
4. თევზი გაყინული - 4,141.95 ათასი;
5. კოპტონი და სხვა მყარი ნარჩენები, მიღებული სოიოს ზეთის ექსტრაჰირებისას - 4,033.66 ათასი დოლარი;
6. დანარჩენი საქონელი - 3,454.39 ათასი დოლარი;
7. თხილი და სხვა კაკალი - 3,430.20 ათასი დოლარი;
8. კვების პროდუქტები, სხვა ადგილას დაუსახელებელი - 3,027.32 ათასი დოლარი;
9. კოსმეტიკური საშუალებები ან მაკიაჟისა და კანის მოვლის საშუალებები - 2,410.04 ათასი დოლარი, 50 ტონა;
10. მოტოციკლები და ველოსიპედები, ეტლით ან მის გარეშე; ეტლები - 2,221.84 ათასი დოლარი;
რაც შეეხება საქართველოდან აშშ-ში ექსპორტს, ტოპ-10 საექსპორტო პროდუქციის რეიტინგი ასე გამოიყურება:
1. ფეროშენადნობები - 232,587.61 ათასი დოლარი;
2. დიოდები, ტრანზისტორები და ანალოგიური ნახევარგამტარი ხელსაწყოები - 6,807.03 ათასი დოლარი;
3. ყურძნის ნატურალური ღვინოები - 4,465.95 ათასი დოლარი;
4. ხილისა და ბოსტნეულის წვენები - 2,228.93 ათასი დოლარი;
5. საფრენი აპარატების ნაწილები - 1,471.13 ათასი დოლარი;
6. მილები, მილაკები და ღრუ პროფილები, უნაკერო, შავი ლითონისაგან - 1,243.71 ათასი დოლარი;
7. ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 1,138.74 ათასი დოლარი;
8. მინერალური და მტკნარი წყლები - 1,105.30 დოლარი დოლარი;
9. ნაწარმი საქონლის ტრანსპორტირებისათვის ან მის შესაფუთად პლასტმასებისაგან - 975.41 ათასი დოლარი;
10. წყლები, მინერალურისა და დაგაზიანებულის ჩათვლით, შაქრის დანამატების შემცველობით - 944.42 ათასი დოლარი.