სახელმწიფო აუდიტის სამსახურმა ბიზნესომბუდსმენის საქმიანობის ეფექტიანობის ანგარიში გამოაქვეყნა . დოკუმენტი 2018-2021 წლებში აუდიტის სამსახურის საქმიანობას აფასებს, რაც ძირითადად წინა ბიზნესომბუდსმენების საქმიანობას ასახავს.

დოკუმენტის თანახმად, ბიზნესომბუდსმენის აპარატს თავად ამ უწყების საქმიანობის ცნობადობის ამაღლებისთვის შესაბამისი ნაბიჯები არ გადაუდგამს.

აუდიტის შედეგად, ბიზნესომბუდსმენის აპარატს 5 რეკომენდაცია მისცა:

რეკომენდაცია N1:

აპარატის და შესაბამისად, საკადრო რესურსების ეფექტიანად გამოყენების მიზნით, მიზანშეწონილია შემუშავდეს და დამტკიცდეს ბიზნესომბუდსმენის აპარატის დებულება, სადაც მკაფიოდ გაიწერება სტრუქტურული ერთეულების ფუნქციები, მოვალეობები, ანგარიშვალდებულება და მუშაობის ზოგადი პრინციპები.

რეკომენდაცია N2:

ბიზნესსუბიექტების მიერ წარმოდგენილი განცხადებების მიღების, მათი განხილვის შედეგად მიღებული გადაწყვეტილების წარდგენის პროცესის სრულყოფილად წარმართვის მიზნით, მიზანშეწონილია ბიზნესომბუდსმენის აპარატმა დანერგოს ელექტრონული მართვის ისეთი პროგრამა, რომელშიც ინტეგრირებული იქნება ყველა საჭირო ფუნქცია.

რეკომენდაცია N3:

მიღებული გადაწყვეტილებების ეფექტიანი აღსრულების, ინსტიტუციური მეხსიერების ჩამოყალიბების და შესაბამისად, აპარატის გამართული ფუნქციონირების მიზნით, ბიზნესომბუდსმენის აპარატმა დანერგოს კონტროლის შესაბამისი მექანიზმები, რომელიც უზრუნველყოფს გაცემული რეკომენდაციებისა და შუამდგომლობების სათანადო დოკუმენტურ დადასტურებას.

რეკომენდაცია N4:

ბიზნესომბუდსმენის მიერ გაცემული რეკომენდაციების მონიტორინგის პროცესზე კონტროლის მექანიზმების გასაუმჯობესებლად, მიზანშეწონილია შესაფერისად დადოკუმენტირდეს გაცემული რეკომენდაციების შესრულების მდგომარეობა.

რეკომენდაცია N5:

სამიზნე ჯგუფების საჭიროებების განსაზღვრის, კრიზისული სიტუაციების მართვის, პრევენციული საქმიანობის ეფექტიანად წარმართვისა და გაუთვალისწინებელი სიტუაციების მინიმუმამდე დაყვანის მიზნით, აპარატმა შეიმუშაოს ღონისძიებების ისეთი გეგმა, რომელიც ხელს შეუწყობს ბიზნესომბუდსმენის უფლებამოსილების და საქმიანობის ძირი