დიდი ბრიტანეთის ყოფილ პრემიერ-მინისტრს ბორის ჯონსონი უკრაინაში ჩავიდა და ვოლოდიმირ ზელენსკის შეხვდა, შეხვედრის კადრებს უკრაინის პრეზიდენტის ადმინისტრაცია ავრცელებს.
ბორის ჯონსონთან შეხვედრისას, უკრაინის პრეზიდენტმა ბრძოლის ველზე არსებულ ვითარებაზე ისაუბრა, ვოლოდიმირ ზელენსკი დარწმუნებულია, რომ უკრაინა რუსი აგრესორისგან გათავისუფლდება და პარტნიორების მხარდაჭერით დროებით ოკუპირებულ ტერიტორიებს დაიბრუნებს. განსახილველ საკითხებს შორის ასევე იყო მშვიდობის სამიტისთვის მოსამზადებელი სამუშაო.
„დამატებითი მობილიზაცია ვერ დაეხმარება რუსეთს, მისი არმია არ არის მოტივირებული“, - აღნიშნა ზელენსკიმ.
ზელენსკიმ ასევე აღნიშნა, რომ უკრაინას მეტი იარაღი, ტანკები თვითმფრინავები და შორ მანძილზე მოქმედი რაკეტები სჭირდება.
ზელენსკიმ ჯონსონს მხარდაჭერისთვის მადლობა გადაუხადა.