დღეს, 31 ოქტომბერს, 11:00 საათზე, საქართველოს მთავრობის ადმინისტრაციაში, პრემიერ-მინისტრ ირაკლი ღარიბაშვილის ხელმძღვანელობით, მთავრობის სხდომა გაიმართება. მთავრობის სხდომის დღის წესრიგში სულ 9 საკითხია შეტანილი, საიდანაც ყველაზე მეტი ფინანსთა და ეკონომიკისა და მდგრადი განვითარების  სამინისტროების მიერაა ინიცირებული.

მაშ ასე მთავრობის დღევანდელ სხდომაზე მინისტრთან კაბინეტის წევრები შემდეგ საკითხებზე იმსჯელებენ:

„ოზონის შრის დამშლელ ნივთიერებათა შესახებ“ მონრეალის 1987 წლის ოქმის კიგალის 2016 წლის ცვლილება საქართველოს კანონის პროექტი „ატმოსფერული ჰაერის დაცვის შესახებ“ საქართველოს კანონში ცვლილების შეტანის თაობაზე“ და მისგან გამომდინარე კანონპროექტები.

საქართველოს კანონის პროექტი „მტირალას ეროვნული პარკის შესახებ“ საქართველოს კანონში ცვლილების შეტანის თაობაზე“.

საქართველოს მთავრობის განკარგულების პროექტი „სახელმწიფო საკუთრებაში არსებული უძრავი ნივთების რკ „ბრანევიკისათვის“ პირდაპირი მიყიდვის ფორმით პრივატიზების შესახებ“.

საქართველოს მთავრობის განკარგულების პროექტი ,,საქართველოს მთავრობასა და შპს ,,ხუმპრერი ჰესს’’ შორის ,,ხუმპრერი ჰესის’’ ჰიდროელექტროსადგურის შესახებ დასადები ხელშეკრულების თაობაზე“.

საქართველოს მთავრობის განკარგულებების პროექტები ,,საგადასახადო შეთანხმებების გაფორმების შესახებ” (2 პროექტი).

საქართველოს მთავრობის განკარგულების პროექტი ,,პირისათვის საერთაშორისო კომპანიის სტატუსის მინიჭების შესახებ“.

საქართველოს მთავრობის განკარგულების პროექტი ,,რეკონსტრუქციის და განვითარების საერთაშორისო ბანკის (IBRD) და საერთაშორისო საფინანსო კორპორაციის (IFC) კაპიტალის გაზრდაში საქართველოს მონაწილეობის შესახებ”.

საქართველოს მთავრობის განკარგულების პროექტი ,,ცალკეულ იძულებით გადაადგილებულ პირთა - დევნილთა ოჯახების გრძელვადიანი საცხოვრებელი ფართით უზრუნველყოფისათვის გასატარებელ ღონისძიებათა შესახებ“.

საქართველოს მთავრობის დადგენილების პროექტი ,,სსიპ საქართველოს სახელმწიფო კამერული გუნდის შექმნის შესახებ”.