საქართველოს სათამაშო ბიზნეს ასოციაციამ საკონსტიტუციო სასამართლოში სარჩელი შეიტანა. როგორც რადიო „კომერსანტის“ გადაცემაში „კომერსანტის დილა“ „სათამაშო ბიზნეს ასოციაციის ადმინისტრაციულმა ხელმძღვანელმა გიორგი მამულაიშვილმა აღნიშნა, საბონუსე სისტემის დაბეგვრასთან დაკავშირებით შემოსავლების სამსახურის მოთხოვნას ასოციაცია არ ეთანხმება. 

მიიღე ინფორმაცია უფრო სწრაფად ჩვენს Telegram-ზე.

მისივე თქმით, როგორც სათამაშო ბიზნესში, ასევე ნებიმიერ სხვა ბიზნესში არსებობს აღრიცხვის და საქმის წარმოების საერთაშორისო პრაქტიკა, რომლის მიხედვითაც კონკრეტული მიმართულებები განისაზღვრება და ეს არ ხდება ისე, როგორც შემოსავლების სამსახურს უნდა.

“ჩვენ ვმუშაობთ საერთაშორისო სტანდარტებით და აღებული გვაქვს საერთაშორისო კურსი, რაც ასევე წერია ჩვენ საგადასახადო კოდექსში, საერთაშორისო პრაქტიკის მიხედვით  ჩვენი შემოსავლების და თუნდაც ჩვენი მოგების დათვლა სულ სხვანაირად ხდება.

შესაბამისად  ჩვენ შემოსავლების სამსახურის მოთხოვნას ვერანაირად ვერ  დავეთანხმებით, ამ ეტაპზე საუბარი მაქვს საბონუსე სისტემაზე, რომელსაც ჩვენ ჩვენ მომხმარებელს ვთავაზობთ,  ეს  არის ნულოვანი  ღირებულების ფსონი,  თუმცა  შემოსავლების სამსახური თვლის, რომ რადგან ფსონი იდება ეს უნდა დაიბეგროს და  შესაბამისად მან უნდა მიიღოს მეტი  შემოსავალი. ჩვენ ამას კატეგორიულად ვერ ვეთანხმებით, ერთადერთი  რაც  სახელმწიფომ დაგვიტოვა ეს  არის საკონსტიტუციო  სასამართლო, სარჩელებს ჩვენ პერიოდულად დავიწყებთ და  შევიტანთ,  ერთი სარჩელიო უკვე  შევიდა საკითხზე, რომელსაც  ფინანსთა სამინისტრო და შემოსავლების სამსახური გვთხოვს“ -  აღნიშნა გიორგი მამულაიშვილმა.

მამულაიშვილი იმედოვნებს, რომ საქართველოში სასამართლო დამოუკიდებელია და გადაწყვეტილებას მიიღებს იმ არგუმენტებზე დაყრდნობით რასაც ასოციაცია წარადგენს, რადგან არგუმენტები დაფუძნებულია საერთაშორისო პრაქტიკაზე და IFRS სტანდარტებზე.

„საქართველო უკვე რამდენიმე წელია იბრძვის, რომ ifrs სტანდარტზე გადავიდეს და ბუღალტრულ აღრიცხვაში ifrs სტანდარტი მიიღოს. ბოლო წლებია  ანგარიშგებები აღნიშნული სტანდარტებით ტარდება, კოდექსის ბევრი მუხლიც ifrs- ზეა გადასული და   შესაბამისად ჩვენი არგუმენტები  ზუსტად ამ  სტანდარტებზეა  დაყრდნობილი.  ჩვენ  უკან  დგას ძალიან მსხვილი  კომპანიები. რომლებსაც  მრავალწლიანი გამოცდილება სწორედ ამ  სტანდარტებზე დაყრდნობით აქვთ.“ -  აღნიშნა გიორგი მამულაიშვილმა.

მამულაიშვილმა გადაცემაში ასევე იმ რეგულაციაზეც ისაუბრა რომელიც 25 წლამდე ადამიანების  აზარტულ თამაშებში მონაწილეობას უკრძალავს. მისი თქმით აღნიშნულ საკითხზეც მზადდება სარჩელი და კონსტიტუციონალისტებთან კონსულტაციის შემდეგ შეიტანენ.

„ეს სარჩელი ჯერ  საკონსტიტუციო სასამართლოში ჯერ არ  შესულა, თუმცა მზადების პროცესშია და კონსტიტუციონალისტებთან საუბრის შემდეგ შევუტანთ. გვინდა  რომ ჩვენი  ნებისმიერი სარჩელი მყარად არგუმენტირებული იყოს,  რაც  შეეხება  საუბარს იმაზე, 25 წელს ქვემოთ მყოფ პირებს შეეზღუდოთ აზარტულ თამაშებში ჩართვა დაყრდნობილი იყო იმ არგუმენტზე, რომ თითქოს 25 წლამდე ადამიანის ფსიქოლოგია სრულად ჩამოყალიბებული არ არის,  რაც  არარეალურია  რადგანაც  21  წლიდან ადამიანს შესაძლებლობა აქვს, რომ არჩევით თანამდებობაზე  დაინიშნოს და 24 წლიდან პარლამენტის წევრი გახდეს. მას უნდა ჰქონდეს უფლება რომ თავისი ბედი და თანხა თვითონ განსაზღვროს.

“საქართველოში არ არის კვალიფიციური კვლევა იმის შესახებ ჩატარებული იწვევს თუ არა ონლაინ აზარტული თამაშები დამოკიდებულებას. მე პირადად პარლამენტიდანაც გამოვითხოვე სტატისტიკა, წერილობითაც მივმართე, თუმცა  პასუხი ვერ მივიღე.  აქ  ყველაზე დიდი პრობლემა არის ის, რომ თამაში 25 წლამდე მოსახლეობას შეეზღუდა, თუმცა ძალიან ბევრი არალეგალური საიტი შემოვიდა, სადაც ეს  ადამიანები ძალიან მარტივად სმს ვერიფიკაციის მეშვეობით ახერხებენ რეგისტრაციას. არალეგალური  საიტები საერთოდ  განსხვავებული  წესებით  თამაშობენ  მათი მარჟა  ბევრად უფრო მაღალია,  ისინი  ყველა  ხერხს  მიმართავენ  ზუსტად  იმიტომ  რომ  ჩაითრიონ  ხალხი.

ასოციაციას უკვე  არაერთმა მშობელმა მოგვმართა დახმარებისთვის, ამბობენ, რომ მათი  შვილები ჩართულები არიან ხელზე  გამაზვაში, თუმცა ჩვენ მათი დახმარება არ შეგვიძლია, რადგან არსად არანაირ რეგისტრაციას არ გადიან ამისთვის“ -  აღნიშნა გიორგი მამულაიშვილმა.

თაკო კვაჭანტირაძე