საქართველოს უკრაინიდან იმპორტი 40%-ით შეუმცირდა. როგორც საქსტატის ვებგვერდზე განთავსებული ინფორმაციიდან ირკვევა, 2022 წლის იანვარ-ნოემბერში უკრაინიდან საქართველოში 241,639.81 ათასი დოლარის პროდუქციის იმპორტი განხორციელდა, 2021 წლის ანალოგიურ პერიოდში კი 402,939.51 ათასი დოლარის.
აღსანიშნავია, რომ 2022 წლის 11 თვის მონაცემებით, საქართველოს მთლიანი იმპორტის მხოლოდ 2%-ი მოდის უკრაინაზე.
რუსეთ-უკრაინის ომის დაწყებამდე უკრაინა-საქართველოს სავაჭრო ურთიერთობების მზარდ ტრენდზე იყო, თუმცა ომის დაწყების შემდეგ როგორც იმპორტი ასევე ექსპორტი შენელდა.
მარტში თებერვალთან შედარებით იმპორტის მოცულობა ფაქტობრივად 68%-ით შემცირდა. მარტის შემდეგ იმპორტმა აღდგენა დაიწყო და თვიდან თვემდე მეტნაკლებად იზრდებოდა კიდეც.
რაც შეეხება ექსპორტს ის 20%-ითაა შემცირებული. 2022 წლის იანვარ-ნოემბერში ქვეყანამ უკრაინაში ექსპორტზე 221,729.90 ათასი დოლარის ღირებულების პროდუქცია გაიტანა. 2021 წლის ანალოგიურ პერიოდში კი 278,105.41 ათასი დოლარის ღირებულების.
ექსპორტის დინამიკას თუ დავაკვირდებით ნათელია, რომ საქართველოდან უკრაინაში მიმდინარე წელს ყველაზე ნაკლები ღირებულების პროდუქცია 2022 წლის მარტში შევიდა, რაც მარტივად ასახსნელი ფაქტორებიდან გამომდინარეობს. მარტის შემდეგ ექსპორტის მაჩვენებლებმა აღდგენა დაიწყო, თუმცა თვიურ ჭრილში საქართველოდან უკრაინაში ყველზე დიდი მოცულობით ექსპორტი ივლისში დაფიქსირდა.
ღირებულების ჯაჭვში TOP-10 პროდუქტი, რაც საქართველომ უკრაინიდან შემოიტანა:
სამკურნალო საშუალებები დაფასოებული - 14,747.95 ათასი დოლარი;
მსუბუქი ავტომობილები - 12,955.54 ათასი დოლარი;
სიგარები, სიგარილები და სიგარეტები თამბაქოს ან მისი შემცვლელებისაგან - 11,414.59 ათასი დოლარი;
შოკოლადი და კაკაოს შემცველი კვების სხვა მზა პროდუქტები - 8,720.91ათასი დოლარი;
კოპტონი და სხვა მყარი ნარჩენები, მიღებული სოიოს ზეთის ექსტრაჰირებისას - 8,467.89 ათასი დოლარი;
პური, ფქვილოვანი საკონდიტრო ნაწარმი, შაქარლამა, ნამცხვარი და სხვა პურფუნთუშეული - 6,763.69 ათასი დოლარი;
ხორცი და კვების სუბპროდუქტები შინაური ფრინველის, ახალი, გაცივებული ან გაყინული - 6,367.57 ათასი დოლარი;
ბრტყელი ნაგლინი ნახშირბადიანი ფოლადისაგან სიგანით 600 მმ ან მეტი, ცხლად ნაგლინი - 5,616.52 ათასი დოლარი;
ფეროშენადნობები - 5,076.75 ათასი დოლარი;
საცობები, ხუფები და სახურავები - 4,992.47 ათასი დოლარი;
TOP-10 პროდუქტი, რაც საქართველომ უკრაინაში შეიტანა:
მსუბუქი ავტომობილები - 118,728.56 ათასი დოლარი;
ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 21,402.72 ათასი დოლარი;
ნავთობი და ნავთობპროდუქტები - 13,261.11 ათასი დოლარი;
სასუქები მინერალური ან ქიმიური, აზოტოვანი - 13,066.76 ათასი დოლარი;
ყურძნის ნატურალური ღვინოები - 11,574.71 ათასი დოლარი;
მინერალური და მტკნარი წყლები - 9,420.83 ათასი დოლარი;
ფეროშენადნობები - 7,858.01 ათასი დოლარი;
პოლიმერები ეთილენისა, პირველადი ფორმებით - 3,964.94 ათასი დოლარი;
სამარჯვები ორთოპედიული; სხეულის ხელოვნური ნაწილები - 2,712.05 ათასი დოლარი;
პირადი ნივთები - 1,972.19 ათასი დოლარი;