„ნიუ ჰოსპიტალსის“ ოტორინოლარინგოლოგიის განყოფილების ხელმძღვანელმა ბერდია ბერიძემ „კომერსანტთან“ სუნთქვის გაძნელებაზე და მასთან დაკავშირებულ პრობლემებზე და მკურნალობის გზებზე ისაუბრა.
გთავაზობთ ინტერვიუს ბერდია ბერიძესთან.
რა შემთხვევაში უძნელდებათ ადამიანებს ცხვირით სუნთქვა?
ცხვირის სუნთქვის გაძნელების უამრავი მიზეზი შეიძლება არსებობდეს, მაგრამ ძირითადი და ყველაზე ხშირი ცხვირის ძგიდის გამრუდება და ნიჟარების ჰიპერტროფია ანუ ზომაში გადიდება გხვდება. ცხვირის ძგიდის გამრუდება შეიძლება იყოს თანდაყოლილი ან შეძენილი, შეძენილ შემთხვევებს ძირითადად ტრავმის შემდგომ და კონტაქტური სპორტით დაკავებულ ადამიანებში ვხვდებით. ასეთია კრივი, ჭიდაობა ძიუდო და ა.შ.
რას ნიშნავს ძგიდის გამრუდება და რა პრობლემას უქმნის ადამიანს?
ძალიან მნიშვნელოვანია თვითონ ცხვირის ფუნქცია, რატომ უნდა სუნთქავდეს ადამიანი ცხვირით, იმიტომ რომ ცხვირს აქვს ფილტრაციის ფუნქცია, ათბობს და ატენიანებს შესუნთქულ ჰაერს, გამთბარი და დატენიანებული ჩასუნთქული ჰაერი ქსოვილებს ჟანგბადით მაქსიმალურად აჯერებს. პირით სუნთქვა საკმარისი არ არის, რადგან ჰაერი ვერ თბება, ვერ ტენინანდება და შესაბამისად ქოვილების გაჯერება საკმარისი რაოდენობის ჟანგბადით ვერ ხდება. შესაბამისად როდესაც არის ცხვირით სუნთქვის გაძნელება პაციენტებს შემდეგი ჩივილები აქვთ: თავის ტკივილი, ძილიანობა, მხსიერების პრობლემები, შრომის უნარიანობის დაქვეითება, უჰაერობა, ღამის ძილის დარღვევა. შესაბამისად ძალიან მნიშვნელოვანია, რომ ცხვირს დაუბრუნდეს თავისი ფიზიოლოგიური ფუნქცია და ორგანიზმმა ნორმის ფარგლებში იფუნქციონიროს.
ძგიდის გამრუდების მკურნალობის რა მეთოდები არსებობს?
ჯერ უნდა დაისვას დიაგნოზი თუ რის გამო არის ცხვირის ფუნქციის გაძნელება, დიაგნოზი კონსულტაციის პერიოდში ისმება, ხდება ცხვირის კამერით ღრმა ნაწილების დათვალიერება, რომელიც თვალით არ ჩანს, ასევე არსებობს სპეციფიური გამოკვლევა, რომელსაც ცხვირის ფუნქციური დიაგნოსტიკა ჰქვია. ჩივილების, ობიექტური კვლევების და ფუნქციონური დიაგნოსტიკის შედეგის შეჯამებით ხდება დიაგნოზის დასმა და შესაბამისი მკურნალობა ინიშნება. თუ არის ცხვირის ნიჟარების ან ლორწოვანის პრობლემა, მაშინ ინიშნება მედიკამენტოზური მკურნალობა, თუ ალერგიულია ინიშნება ანტიალერგიული მკურნალობა, წამალდამოკიდებული ლიმიტის შემთხვევაში ჩანაცვლებითი თერაპია ინიშნება. იმ შემთხვევაში თუ არის მექანიკური პრობლემა ანუ ცხვირის ძგიდე გამრუდებულია, როგორც ძვლოვან ისე ხრტილოვან ნაწილში ამის შემდეგ მიდის ქირურგიული მეთოდით პრობლემის მოგვარება.
რა აპარატურა გამოიყენება ქირურგიული პროცედურებისთვის და რა უპირატესობა აქვს მას?
ჩვენთან ძირითადად კლინიკაში არის „შტორცის“ (Storz) ენდოსკოპიური სისტემა, ინსტრუმენტებიც „შტორცის“ არის და შესაბამისად ინსტრუმენტების ხარისხიდან გამომდინარე და ამ ტექნიკის გამოყენებით პაციენტისთვის მაქსიმალურ შედეგს ვაღწევთ.
რას ნიშნავს ცხვირის ნიჟარების გაფართოება და რა პრობლემას უქმნის ადამიანს?
ძგიდის გარდა ცხვირში არის ნიჟარები, ადამიანებს 6 ნიჟარა გვაქვს, სამი ერთ მხარეს, სამი მეორე მხარეს, როგორც წესი ნიჟარების პრობლემაც ძგიდესთან არის კომბინირებული, თუმცა ნიჟარების პრობლემა შეიძლება გამოიწვიოს ალერგიამ, ცხვირგამხსნელი წვეთების ხანგრძლივმა გამოყენებამ, შეიძლება გამოიწვიოს ორსულობამაც, ამ პრობლემის ბევრი მიზეზი არსებობს.
დიაგნოზის დასმის მერე პაციენტებს მედიკამენტოზური მკურნალობა ენიშნებათ, თუ მკურნალობას რაღაც პერიოდის შემდეგ შედეგი არ აქვს და კურსის ბოლოს პაციენტი მოდის და ამბობს, რომ ისევ ვერ სუნთქავს, ამის მერე საუბარი მიდის ქირურგიულ ჩარევაზე.
რაც შეეხება ქირურგიას, ნიჟარებზე ლაზერით ზემოქმედება ხდება და ოპერაციიდან გამომდინარე შეიძლება პაციენტს ტამპონებიც კი არ დასჭირდეს, ამ გადაწყვეტილებას ოპერაციის დროს ვიწყებთ.
რა აპარატურა გამოიყენება ქირურგიული პროცედურებისთვის და რა უპირატესობა აქვს მას?
„ბიოლიტეკის“ (Biolitec) ფირმის ლაზერი და როგორც გითხარით „შტორცის“ (Storz) ენდოსკოპიური სისტემა.
რა რისკები ახლავს ცხვირის სპრეის ხშირ გამოყენებას?
ცხვირის სპრეის ხანგრძლივმა გამოყენებამ შეიძლება გამოიწვიოს თავის ტკივილები, გულის აჩქარება, მოუსვენრობა, ასევე იწვევს შეუქცევად პრობლემებს ლორწოვანში იქამდე რომ შეიძლება ცხვირის პერფორაციაც კი გამოიწვიოს.
ამიტომ ცხვირის გამხსნელს კონკრეტულად უწერია, რომ მაქსიმუმ 7 დღის განმავლობაში არის შესაძლებელი, შემდეგ იწვევს მიჩვევას.
ამიტომ მნიშვნელოვანია, რომ დოზას არ გადავაჭარბოთ, რადგან შეიძლება პრობლემების წინაშე დავდგეთ. ზოგადად ის ხალხი ვინც ხანგრძლივად მოიხმარს წვეთებს, იმყოფებიან ინფარტქის და ინსულტის რისკჯგუფებში და უნდა იცოდნენ, რომ 5-7 დღეზე ცხვირის სპრეის გამოყენება არ შეიძლება.
(R)